Ինչո՞ւ է Վաղինակ Շուշանյանը վերածվել խեղկատակի

Էլէներգիայի թանկացման դեմ ուղղված պայքարի ընթացքը բացահայտեց, թե իրականում ով է պայքարում երկրի բնակչությանը անհանգստացնող խնդրի լուծման համար: Սկզբում թվում էր, որ շարժման մեջ ընդգրկված են ինտելեկտուալ և իր սկզբունքներին հավատարիմ քաղաքացիներ, սակայն շատ չանցած երևացին մարդիկ, որոնք փորձեցին դիվիդենտներ շահել և պատվեր կատարել:

Կարող ենք նշել, որ հենց Բաղրամյանի շարժման օրերին պատռվեց «Ոչ թալանին» նախաձեռնության նախկին անդամ Վաղինակ Շուշանյանի իրական դիմակը: Նա նշում էր, թե պայքարելու է մինչև վերջ, սակայն շատ չանցած դավաճանեց շարժմանը և Բաղրամյան պողոտայում թողնելով պայքարի դուրս եկած ցուցարարներին ու անտեսելով նրանց կարծիքը՝ տեղափոխվեց Ազատության հրապարակ: Հոսանքի սակագնի թանկացման դեմ դուրս եկած քաղաքացիները «դավաճան» անունով պիտակավորեցին Վաղինակ Շուշանյանին:

Այս ամենը դաս չեղավ Վաղինակ Շուշանյանի համար, ու նա արդեն անցել է վիրավորանքների և ոչ կոռեկտ արտահայտությունների: Սրանով Վաղինակ Շուշանյանը ցույց է տալիս, որ փաստորեն շարքային ծախված է և ոչնչով չի տարբերվում լֆիկներից:
Վաղինակ Շուշանյանին այլևս ոչ ոք չի կարող լուրջ ընդունել, քանի որ նա ցույց տվեց, որ էլէներգիայի թանկացման դեմ պայքարող նախաձեռնության անդամից կարող է վերածվել իսկական խեղկատակի: