Մարզահամերգային համալիրը հենց համալիր մոտեցում է ենթադրում
Արմեն Հակոբյանը ֆեյսբուքյան իր էջում գրում է.
Մի բան կարելի է պարզորոշ ասել, Մարզահամերգային համալիրը հենց համալիր մոտեցում է ենթադրում: Հասկացանք, որ պետությունն ի վիճակի չէ հոգալ այս հսկա կառույցի պահպանման ու շահագործման ծախսերը (թեպետ, ինքս անձնապես այլ կարծիքի եմ, բայց դա՝ մի կողմ): Սակայն ասվածից դեռ չի հետևում, որ ՄՀՀ-ն կարելի է տալ առաջին պատահած «հարմար գին» ասողին:
Առավել ևս, չի նշանակում, որ այդ «առաջին պատահածը», իր ֆանտազիաներին զոռ տալով, կարող է Մարզահամերգային համալիրը վերածել տարածաշրջանային ամենախոշոր սաունայի կամ «քյաբաբանոցի»: Խաղատան մասին առհասարակ ու ընդհանրապես խոսել չարժե: Քանի որ, ՄՀՀ-ում կամ հարևանությամբ խաղատուն բացելը նույնն է, թե ինչ-որ մեկը որոշեր նորից հրկիզել մարզահամերգային համալիրը կամ, ասենք, պայթեցներ այն: Դա ուղղակի անթույլատրելի է:
Առաջինը, ինչ հետևում է այս ամենից, այն է, որ ՄՀՀ-ին վերաբերող որևէ «ներդրումային ծրագիր» պետք է նախ դրվի հանրային լայն քննարկման, իսկ ներդրողի առջև էլ պայմանները խստագույն ու հստակ պիտի լինեն, ո՛չ մի կազինո-մազինո, ո՛չ մի հյուրանոց-մյուրանոց: Մոռացե՛ք ու չերազե՛ք անգամ: Ընդամենը պետք է դրվի եղած համալիրը պահպանելու, արդիականացնելու և իր նպատակային ուղղվածությամբ արդյունավետ շահագործելու խնդիր:
Կից նյութն այստեղ
1
2
3
4
5
1
3
4
5
1
2
3
5
