Կոնորն այրվում է Նուրմագոմեդովի հետ ռևանշ մենամարտ անցկացնելու ցանկությունից. Մաքգրեգորի մարզիչ
ՍպորտUFC նախկին չեմպիոն Կոնոր Մաքրեգորի մարզիչը՝ Ջոն Կավանը պատմել է, որ իռլանդացի մարզիկը շատ է ցանկանում ռևանշ մենամարտ անցկացնել Խաբիբ Նուրմագոմեդովի հետ.
«Նուրմագոմեդովի հետ ռևանշ մենամարտ անցկացնելու միտքը Կոնորի ներսում կրակ է առաջացնում: Կոնորի ներկայիս պահվածքն ինձ հիշեցնում է Նեյտ Դիասից կրած պարտությանը հաջորդած օրերը:
Այն ժամանակ ևս Կոնորի ներսում իսկական հրդեհ էր: Նա շատ էր ցանկանում ռևանշ անցկացնել: Նա մարզվում էր գազանի նման, որպեսզի լավագույն մարզավիճակում լիներ և հաղթեր:
Կցանկանա՞ Կոնորը մենամարտել Էնթոնի Պետիսի կամ Թոնի Ֆերգյուսոնի հետ: Նրանք հիանալի մարզիկներ են, և ես չեմ ցանկանում որևէ մեկին վիրավորել, սակայն համոզված չեմ, որ Կոնորը Խաբիբի հետ մենամարտից բացի այլ տարբերակների մասին է մտածում:
Կարծում եմ՝ Նուրմագոմեդովի դեմ մեր մարտավարությունը շատ պաշտպանողական էր, սակայն Մաքգրեգորը հարձակվող մարզիկ է:
Այս անգամ, երբ Կոնորը հարձակվելու հնարավորություն էր ունենում, նման չէր այն Կոնորին, որը հաղթել է Էդի Ալվարեսին:
Նա գրեթե երկու տարի չէր մենամարտել MMA-ում: Նախկինում ասում էի, որ դադարը նրա վրա ազդեցություն չի ունենա, սակայն եթե անկեղծ խոսենք՝ այն ի վերջո ազդեցություն ունեցավ»,- Կավանի խոսքը մեջբերել է ESPN-ը:
1
2
3
4
5
1
2
3
4
5
1
3
4
