Գյումրիի մանկապարտեզներից մեկին մատակարարված սպրեդի հետքերով
Արման Գրիգորյանը ֆեյսբուքյան իր էջում գրում է.
Ինչպես գիտեք, երեկ Գյումրու քաղաքապետ Ս. Բալասանյանը քաղաքապետարանի ենթակայության տակ գործող մանկապարտեզների տնօրենների ու մանկապարտեզներին սնունդ մատակարարող կազմակերպությունների ներկայացուցիչների հետ հանդիպում էր կազմակերպել, որի ընթացքում մասնավորապես դիտողություն արեց մանկապարտեզներին կարագ մատակարարող կազմակերպության ներկայացուցչին ուշադրություն դարձնել որակին, քանի որ բողոքներ կան, որ երկու ամիս առաջ կարագի փոխարեն սպրեդ է փորձ արվել մատակարարել, ինչին ի պատասխան մատակարարող կազմակերպության ներկայացուցիչը փորձեց հակադարձել, որ թող խոսեն փաստերով: Բնականաբար հարցը չէր կարող մնալ ուշադրությունից դուրս և խնդրո առնչությամբ փորձեցինք բացատրություն ստանալ Գյումրու քաղաքապետարանի Կրթության բաժնի պետ Հայկ Սուլթանյանից:
Մեզ հետ զրույցում պարոն Սուլթանյանը նշեց, որ իրականում խնդիրն այնքան մեծ չի եղել, որքան ներկայացվեց այդ պահին ու որպիսին տպավորությունն էր կողքից դիտողի համար: “Իրականում նման միայն մեկ դեպք է եղել, երկու ամիս առաջ, և դժգոհություն է հայտնել միայն մեկ մանկապարտեզի տնօրենը: Բանն այն է, որ երկու ամիս առաջ, տվյալ մանկապարտեզի տնօրենը մատակարարվող կարագի գույնին կասկածել է, որ սպրեդ է: Տվյալ կարագը անմիջապես տեղում փոխվել է”:
Ուշագրավն այն է, որ ինչպես նշեց պարոն Սուլթանյանը, նույնիսկ տվյալ օրվա համար բողոքը միայն այդ մանկապարտեզից է հնչել, այն էլ երկու ամիս ուշացումով, մինչդեռ նույն մատակարարը կարագ է մատակարարում քաղաքապետարանի ենթակայության տակ գործող բոլոր քսաներեք մանկապարտեզներին, ինչը ավելացնում է բողոքի սուբյեկտիվությունը:
Ի դեպ, պահպանելով լրագրողական անկողմնակալությունն ու անաչառությունը` կփորձենք առաջիկայում ստանալ նաև տվյալ մանկապարտեզի տնօրինության և մատակարար կազմակերպության բացատրությունը խնդրո առնչությամբ:
1
2
3
4
5
1
3
4
5
1
2
3
5
