Գ.Ծառուկյանի դերը Աբովյան քաղաքի կայացման և բարգավաճման գործում անգնահատելի է

Հասմիկ Պողոսյանը ֆեյսբուքյան իր էջում գրում է.

Աբովյան քաղաքը տոնում է հիմնադրման 55 ամյակը: Հոբելյանական տոնի առթիվ քաղաքում կազմակերպվել էին բազմաթիվ միջոցառումներ, որոնց մասնակցում էր նաև Աբովյան քաղաքի պատվավոր քաղաքացի Գագիկ Ծառուկյանը: Ինչպես բոլորիս հայտնի է, նրա դերը Աբովյան քաղաքի կայացման և բարգավաճման գործում շատ մեծ է: Ներկա պահին քաղաքի առանցքային խնդիրներից մեկն է երիտասարդ ընտանիքների բնակարան չունենալու հարցը, սակայն այս տոնի կապակցությամբ Գագիկ Ծառուկյանը հայտարարեց, որ պատրաստվում է իրականացնել մեծածավալ բնակարանաշինություն, որը հնարավորություն կտա երիտասարդ ընտանիքներին ապահովվելու բնակարանով: Իր խոսքում Գագիկ Ծառուկյանը շեշտեց, որ կառուցվելու է 800-1000 հոգու համար նախատեսված բնակարաններ, որոնք լինելու են մատչելի և միջին խավի համար հասանելի: Եվ գիտակցելով, որ երկրում տեղի ունեցած վերջին իրադարձություններից հետո էլ ավելի է մեծացել հայրենադարձների ներհոսքը, նրա կողմից սա շատ կարևոր և գնահատելի քայլ է՝ քաղաքը զարգացնելու և մեր հայրենակիցներին բնակարանով ապահովվելու համար: Ինչպես նաև Ծառուկյանի աչքից չվրիպեցին ուսումնական հաստատություններում ծառացած խնդիրները, որոնց մասին նա անձամբ տեղեկացավ և խոստացավ արագ ու կազմակերպված ձևով այդ խնդիրներին լուծում տալ: 
Ընդհանուր առմամբ Ծառուկյանը միշտ է նմանօրինակ գործողություններով աչքի ընկել, երբ ամեն անգամ ի ցույց է դրել իր անսահման հայրենասիրությունն ու ժողովրդին կարեկից լինելու մեծ ցանկությունը: