Գագիկ Ծառուկյանը դրեց «Տնտեսական հեղափոխության» հիմքը

Ռուբինա Մալխասյանը ֆեյսբուքյան իր էջում գրում է.

Ինչպես հիշում ենք բոլորս, հոկտեմբերի 26-ին Հայաստան էին ժամանել աշխարհի շուրջ 20 երկրներից պատվիրակներ, ովքեր եկել էին մասնակցելու «Ներդրումներ և առևտուր» խորագիրը կրող համաժողովին, որի կազմակերպիչն էր հանդիսանում Գագիկ Ծառուկյանը: Այդ օրն իր ելույթում նա տվեց «Տնտեսական հեղափոխության» գաղափարի իրականացման մեկնարկը: 
Անցել է կարճ ժամանակ, սակայն արդեն մեծ քայլերով իրականություն է դառնում երբեմնի երազանքը՝ Հայաստանում տնտեսական հեղափոխություն իրականացնելը: Այդ ուղղությամբ տարվում են լայնածավալ աշխատանքներ, որոնց մեկնարկը տրվեց Մայնինգ ֆերմայի բացումով, որին հաջորդեց արտադրական քաղաք հիմնելու գաղափարը, որը բաղկացած է լինելու շուրջ 13 արտադրական գործարաններից: Ստեղծելով ներդրումային հարթակ օտարերկրյա ներդրողների համար, դրանով նպաստում է ինչպես տնտեսական աճին, այնպես էլ գործազրկության մակարդակի կրճատմանը: Այս ամենից զատ Աբովյան քաղաքում կառուցվում են բազմաբնակարան շենքեր, որին բնակիչները երկար էին սպասել: 
Անդավաճան մնալով իր ստեղծած «Տնտեսական հեղափոխություն» գաղափարին, Գագիկ Ծառուկյանը ներդրողների համար վստահելի հարթակ է ստեղծել ներդրումներ իրականացնելու և տնտեսական աճին նպաստելու համար: 
Հատկանշական է Սիրիական Սաբաղ ընկերության հետ համագործակցությունը, որը տեքստիլի արտադրության ոլորտում առաջատարներից մեկն է, և այսօր Հայաստանում նույնպես ծավալում է իր գործունեությունը և որպես վստահելի գործընկեր համագործակցում է Գագիկ Ծառուկյանի հետ:
Անվերջ կարելի է թվարկել այն բարեփոխումների շարքը, որն իրականացրել է Գագիկ Ծառուկյանն այս կարճ ժամանակահատվածում և շարունակում է անդավաճան մնալ իր որդեգրած քաղաքականությանը, այն է՝ Հայաստանում իրականացնել «Տնտեսական հեղափոխություն»: