Վիքիպեդիան եւ "երկաթյա վարագույրը"
Ռուբեն Շուխյանը ֆեյսբուքյան իր էջում գրում է.
Ռուսական լրատվամիջոցները երեկվանից հաղորդում էին ռուսալեզու Վիքիպեդիա ինտերնետային հանրագիտարանի Ռուսաստանի տարածքում հնարավոր մասնակի արգելափակման մասին: Հիմք էր ընդունվում Աստրախանի մարզային դատարանի ինչ որ զավեշտական որոշում` Վիքիպեդիայում թմրանյութի մասին իբր արգելված տեղեկություն պարունակող հոդվածի հրապարակման վերաբերյալ:
Սակայն ավելի ուշ հաղորդվեց գտնված փոխզիջումային տարբերակի մասին. ոչ թե հանրագիտարանն են արգելափակում այդ հոդվածիպատճառով, այլ ընդամենը այդ հոդվածն է հանվում արգելվածների ցանկից: Ինչեւէ, սա փաստորեն կարող է նախադեպ դառնալ ռուսական կողմի նմանատիպի ապագա որոշումների համար: Այսինքն` Ռուսաստանը կարող է մի օր իրոք զրկել իր քաղաքացիներին գիտելիքների այդ ահռելի շտեմարանից օգտվելու հնարավորությունից, որից մշտապես օգտվում են միլիոնավոր մարդիկ:
Այդ ամենն ակնհայտ հիշեցնում է հին սովետական ոճը, երբ համատարած արգելափակվում կամ վերահսկվում էր արտերկրից եկող ինֆորմացիան` ցանկացած տեսակի տեղեկատվություն ստանալու առումով: Այդ ամենը մենք վաղուց արդեն անցել ենք, այդ ամենն արդեն ուղղակի ձանձրալի է, եւ բոլորս էլ հիմա գիտենք, որ նաեւ` չափազանց վտանգավոր: Քո սեփական երկրում ծառացած ծանրագույն խնդիրներին անհրաժեշտ է իրատեսական լուծումներ տալ, այլ ոչ թե "երկաթյա վարագույրի" քաղաքականության վերակենդանացմամբ` բարդել դրանք վիրտուալ "թշնամիների" վրա:
1
2
3
4
5
1
3
4
5
1
2
3
5
