Հարյուրավոր ձերբակալվածներ և մոտ տասնյակ տուժածներ. Փարիզում ընթացող ցույցերի ժամանակ տուժել է նաև RT-ի թղթակիցը
ՄիջազգայինՓարիզում «դեղին անթև բաճկոններ» շարժման շաբաթօրյա բողոքի ցույցի ժամանակ վիրավորվել է Russia Today-ի թղթակիցը: Այս մասին իր թվիթերյան էջում հայտնել է հեռուստաալիքի գլխավոր խմբագիր Մարգարիտա Սիմոնյանը:
«Մեր թղթակցին Փարիզի ցույցերի ժամանակ վիրավորել են դեմքից: Նա հիվանդանոց է գնացել»,- սոցցանցում գրել է Սիմոնյանը՝ կից հրապարակելով տուժած լրագրողի լուսանկարը: Միջադեպի մանրամասները նա չի նշել:
Ավելի վաղ ֆրանսիական աղբյուրները հայտնում էին, որ «դեղին բաճկոնների» ցույցի ընթացքում այսօր 168 մարդ է ձերբակալվել:
Տեղի ոստիկանությունից հայտնել էին, որ Փարիզում հասարակական կարգի պահպանմանը հետևելու գործին ներգրավվել է 8000 ոստիկան և 14 միավոր հատուկ տեխնիկա:
Հաղորդվում է, որ շաբաթօրյա ցույցերին ավելի քան 2000 մարդ է մասնակցել, մինչդեռ նախորդ շաբաթ մայրաքաղաքի փողոցներ 10 000 մարդ էր դուրս եկել: Այսօր ցույցերի ընթացքում 7 մարդ վնասվածք է ստացել:
Հիշեցնենք, որ «դեղին բաճկոնների» ցույցերն, ավանդույթի համաձայն, տեղի են ունենում շաբաթ օրերին: Ցույցերն սկսվել են նոյեմբերի 17-ին: Փողոց դուրս եկած մարդիկ բողոքում են վառելիքի գների թանկացման, ինչպես նաև կառավարության վարած քաղաքականության դեմ ընդհանուր առմամբ՝ պահանջելով վարչապետի և նախագահի հրաժարականը:
1
2
3
4
5
1
4
5
1
3
4
5
