Նոր սահմանադրությամբ ԱԺ-ում լրացուցիչ ձայներ ստանալու է ոչ միայն առաջին, այլ նաև երկրորդ ուժը

Պարզվում է, որ Սահմանադրական բարեփոխումների նախագծով խորհրդարանական ընտրությունների ժամանակ բոնուսային ձայներ ստանալու է ոչ միայն առավելագույն ձայներ ստացած ուժը, այլ նաև երկրորդ տեղում հայտնվածը: Ինչպես է դա տեղի ունենում:

Արդեն նույնսիկ «կրծքից նոր կտրված երեխան» գիտի, որ նոր սահմանադրությամբ խորհրդարանում կայուն մեծամասնություն պետք է ձևավորվի: Այսինքն, ավելի հասկանալի լեզվով ասած,  մեկ ուժն ավելի շատ պատգամավոր պետք է ունենա, քան մյուսներն իրար հետ միասին, իսկ եթե դա տեղի չունենա, կազմակերպվելու է ընտրությունների երկորրդ փուլը, որին մասնակցելու են առավելագույն ձայներ ստացած երկու ուժերը, ահա այստեղ էլ սկսում է կինոն:

Պատկերացնենք հետևյալ սցենարը. Խորհրդարանում հայտնվել է 5 ուժ, չի ձևավերվել կայուն մեծամասնություն և առավելագույն ձայներ ստացողները գնում են երկրորդ փուլ: Պարզվում է, որ երկրորդ փուլում այս ուժերն ամեն ինչ զրոյից չեն սկսելու, նրանք պահպանելու են առաջին փուլի ձայները, որոնց արդեն գումարվելու են երկրոդ փուլում ստացած քվեները: Այսինքն եթե առաջին փուլի արդյունքում այդ ուժերը ստացել են օրինակ 31 և 25 պատգամավորական աթոռ, իսկ երկրորդ փուլի արդյունքում օրինակ 34 և 29, այդ աթոռները գումարվում են և նրանք ունենում են համապատասխանաբար 65 և 54 աթոռ:

 Հասկանալի է, որ սա արվում է, առաջին փուլի արդյունքներով երկրորդ տեղում հայտնված ուժին ֆիասկոյից փրկելու համար, քանի որ այդ ուժը  երկրորդ փուլում «օդին-օդին» հայտնվելով առաջին ուժի հետ, կարող է չնչին ձայներ ստանալ և առհասարակ վերջին տեղում հայտնվել,  եթե առաջին փուլի արդյունքները չհաշվվեն: Բայց կներեք, ո՞ւր մնացին մյուս ուժերը:

Մի բան հստակ պետք է արձանագրել. Խորհրդարանական ընտրությունների մասով կամ  կայուն մեծամասնություն ստեղծելու գաղափարն է աղբ, կամ երկրորդ փուլի գաղափարը, կամ դրա իրագործման եղանակները:

Մնացականյան Արթուր