«Հրապարակ». Նստարաններից մինչև «հովհարային» աղբահանություն․ իրավիճակ է փոխվել

«Երկրում իրավիճակի փոփոխությունն ավելի շատ ակնհայտ դարձավ մայրաքաղաքի  ծայրամասերում՝ հատկապես աղբամանների ճոխ պարունակությամբ և մայթերին նախկին իշխանությունների կողմից տեղադրված նստարանների անհետացմամբ։ Եթե լիքը աղբամաններն ու դրանց շրջապատի աղբն անմիջապես աչք են ծակում, և այդ մասին ով ասես խոսում է, ապա նստարանների անհետացումը հատուկենտ քաղաքացիներ կարող են նկատել, ձեռքներն անհուսորեն թափահարել ու հեռանալ։

Հալաբյանից Շինարարներ ձգվող Էստոնական փողոցից միանգամից անհետացել է հինգ նստարան, իսկ նստարանների կողքին տեղադրված աղբամաններից երկուսն են մնացել։

Մեր տեղեկություններով՝ յուրաքանչյուր նստարան՝աղբամանների հետ, մոտ երկու հարյուր հազար դրամ արժողություն ունի։ Բոլորը միասին՝ մեկ մլն դրամ։ Իսկ եթե փորձենք հաշվառում կատարել վարչտարածքի բոլոր փողոցներում, կարծում եմ, վնասը միլիոններ կկազմի։ Նշված իրավիճակը բնորոշ է ոչ միայն այս փողոցին։ Վարչտարածքի գրեթե բոլոր փողոցներում նույն վիճակն է»,-գրում է թերթը։

Նյութն ամբողջությամբ կարդացեք թերթի այսօրվա համարում։