Արարատցեմնտի աշխատակիցների բողոքի ակցիան սադրող «ակտիվիստը» կլինկեր ներմուծողների շահերն էր պաշտպանում, այլ ոչ թե աշխատակիցների
Գուրգեն Սահակյանը ֆեյսբուքյան իր էջում գրում է
Քանի դեռ քննարկվում է այն հարցը, թե ինչպես խթանել, ցեմենտի արտադրությամբ զբաղվող տնտեսարողի գործունեությունը, որպեսզի դրա արդյունքում աշխատատեղերի կրճատումներ չլինեն, այսօր Արարատի մարզում, տեղի ցեմենտի գործարանի աշխատակիցները բողոքի ակցիա են իրականացնում, ընդդեմ իրենց գործազրկության: Սակայն ինչպես պարզ դարձավ ընթացքում, նույն բողոքի ակցիային միացան որոշ «ակտիվիստներ», ովքեր փորձում էին հանրային դժգոհության սլաքներն այլ ուղղությամբ ուղղել և սպասարկել իրենց այդտեղ ուղարկած անձանց՝ կլինկեր ներմուծողների, նեղ անձնական շահերը: Ակտիվիտներից մեկը՝ Վահե անունով, փորձում էր ամեն կերպ սադրել իրավիճակն ու պատասխանատվությունն ամբողջությամբ գցել ցեմենտ արտադրող գործարանների վրա: Չստացվեց բնականաբար, քանի որ նույն գործարանի ղեկավար կազմից Սեդրակ Առուստամյանը, լրագրողների և գործարանի աշխատակիցների հետ հանդիպման ժամանակ շատ հստակ ներկայացրեց իրավիճակն, ինչից հետո պետք է որ հարցեր չլինեին, բայց Վահեն դեռ շարունակում էր պաշտպանել ոմանց շահերն ու շարունակում էր պրովակացիան: Տեսեք, եթե ցեմենտ արտադրողների գործունեությունը խթանող որոշում վաղը ԱԺ-ում չկայացվի, ապա նրանք ստիպված են լինելու կամ փակվել, կամ ներմուծել կլինկեր և դրանով աշխատել, ինչի արդյունքում շուրջ 2000 քաղաքացի կդառնա գործազուրկ: Եվ այս պարագայում կլինկեր ներմուծողների գերշահույթ հետապնդելու ցանկությունները ի կատար ածող Վահե-ի նման ակտիվիստները, որքան էլ կոկորդ պատռեն, չեն կարող հակառակը համոզել: Ես անգամ մտաբերում եմ կոնկրետ այս գործարանի հետ կապված ևս մեկ դեպք, երբ տնտեսական ճգնաժամի պարագայում, կրկին պահանջ կար կրճատումների, սակայն Ծառուկյանը գալով հանդիպման, կրկին մեծահոգաբար ընդառաջ գնաց աշխատակիցների պահանջին և իր շահույթի հաշվին կրճատումներ չարեց: Բայց այդպես չի կարող միշտ շարունակվել և ըստ էության, նոր Հայաստանում, միջավայրն այնպիսին պետք է լինի, որ մարդիկ չապավինեն Ծառուկյանի մեծահոգությանը, այլ պայմաններն այնպիսին լինեն, որ իրավմամբ հնարավոր լինի առանց որևէ միջատության հասնել նրան, երբ մարդիկ կկարողանան արժանապատվորեն ապրել իրենց երկրում:
Դե ինչ, կարծում եմ այս ամենը տեսնելուց հետո, վաղը կայանալիք քննարկմանը ԱԺ պատգամավորները խոհեմ կգտնվեն և կկայացնեն ճիշտ որոշում, ինչի արդյունքում համ տեղի արտադրողը կկարողանա շարունակել գործունեությունը, համ էլ աշխատատեղեր չեն կրճատվի:
Դե ինչ, կարծում եմ այս ամենը տեսնելուց հետո, վաղը կայանալիք քննարկմանը ԱԺ պատգամավորները խոհեմ կգտնվեն և կկայացնեն ճիշտ որոշում, ինչի արդյունքում համ տեղի արտադրողը կկարողանա շարունակել գործունեությունը, համ էլ աշխատատեղեր չեն կրճատվի:
1
2
3
4
5
1
2
3
4
1
2
3
5
