Ցավալի է, բայց փաստ է, որ ունենք այսպիսի թերհաս հանրային գործիչներ

Ստելլա Բարսեղյաննն իր ֆեսբուքյան էջում գրում է.

Այսօր ֆեյսբուքում աչքովս ընկավ Դանիել Իոաննիսյանի կատարած գրառումը, որտեղ նշում էր, որ ԲՀԿ նախագահ Գագիկ Ծառուկյանը Արարատի մարզ էր ժամանել խաղողագործների հետ հանդիպման Բելառուսի դեսպանական պետհամարանիշները կրող մեքենայով:
Ուզում եմ նշել, որ Գագիկ Ծառուկյանը այցելել էր Արարատ հատուկ նպատակներով՝ խաղողագործների հետ հանդիպելու, նրանց աջակցելու, խնդիրներն ու հարցերը լսելու, նրանց անհրաժեշտ միջոցներով ապահովելու՝պարարտանյութեր, հենասյուներ, և այլն, նրանց խրախուսելու և դժվարին հարցերում օգնելու: Եվ ի՞նչ է ստացվում, Իոաննիսյանը կարևորի մասին խոսելու փոխարեն շեշտը դնում է անկարևոր ու անհիմն երևույթների վրա: Ասեմ, ինչ վերաբերում է Ծառուկյանի Բելառուսական համարանիշներին, դրանք տարիներ առաջ դեռևս ԱԳՆ-ի կողմից հաստատված են օրենքով ու օրինական կարգով է տրամադրվել և այստեղ որևէ խախտման մասին խոսելն անգամ իմաստ չունի, իսկ համարանիշների օգտագործումը կապված է Ծառուկյանի՝ բելոռուսական կողմի հետ ունեցած սերտ փոխհամագործակցության ու կայուն հարաբերությունների հետ, ինչը միայն գովասանքի է արժանի: Բայց արի ու տես, որ մի անարժան լսարան հավաքելու համար եկել ու փորձում է վարկաբեկել Ծառուկյանի անունը:Այս ամենը միայն խոսում է Իոաննիսյանի ցածր մարդկային արժանիքների մասին, նրա տկարամիտ ուղեղի ու իրենից ոչնչություն ներկայացնելու մասին: Նրա այսպիսի քայլերը ևս մեկ անգամ ապացուցում են, որ նա կործանված ու իր տեղը անընդհատ հասարակության մեջ փնտրող անձնավորություն է, ով չի տարբերում կարևորը անկարևորից, լավը վատից ու այնպիսի տպավորություն է, թե դեռահասի պես փորձում է ինքնահաստատվել ու ուշադրության արժանանալ:Ցավալի է, բայց փաստ է, որ ունենք թերհաս հանրային գործիչներ: