Քոչարյանը բացեց «երկրորդ ճակատը»

 

 

Երկրորդ նախագահի հոդվածի գլխավոր մեխն այն է, որ եթե նախկինում Քոչարյանն իրեն և Փաշինյանին համեմատում էր հիմնականում ռուսական, կամ այսպես ասենք՝ եվրասիական դաշտում՝ ընդգծելով իր առավելությունը Փաշինյանի հանդեպ, որպես ռացիոնալ և ընդունված խաղացողի, ապա այդ հոդվածը կարելի է դիտարկել իբրև Քոչարյանի մեսիջը Արևմուտքին: Փաստացի, նա առաջարկում է իրեն դիտարկել որպես հնարավոր այլընտրանք Փաշինյանի և գործող իշխանության համար: Այլ հարց է, թե ինչու է Քոչարյանը գնում այս քայլին: Արդյո՞ք նա արդեն կասկածում է ռուսական աջակցության վրա, թե՞ նա երկրորդ ճակատն է բացում Փաշինյանի դեմ, օգտագործելով պահը: Իսկ պահը իրոք հարմար է, հաշվի առնելով Արևմուտքի աճող վրդովմունքը Փաշինյանի ռեֆորմների տեմպերից, ինչպես նաև Ռուսաստանի հետ շարունակվող սիրախաղից…