Հայկ Գևորգյանի «ԱրարատՑեմենտի» մասին արած պնդումները թերի են և չեն արտահայտում իրական պատկերը

Օրերս «Իմ քայլը» խմբակցության պատգամավոր Հայկ Գևորգյանն ԱԺ ամբիոնից հայտարարարեց իբր «ԱրարատՑեմենտը» գնվել է 200.000 դոլարով: Ինչին Գագիկ Ծառուկյանը հակադարձեց նշելով, որ եթե Հայկ Գևորգյանն ապացուցի իր ասածը Արարատցեմենտը կնվիրի նրան: Հայկ Գևորգյանը կարծես շատ լուրջ է ընդունել սա և չափազանց «շահագրգիռ» է, հենց այդ պատճառով էլ նա մի քանի օր է հոխորտում է իբր ապացույցներ ունի, սակայն դրանք այդպես էլ մնացել ու մնալու են հոխորտանքի մակարդակում: Քանզի Հայկ Գևորգյանը չի ներկայացնում իրեն ոչ ձեռնտու մի քանի անկյուքարային դետալներ: 
Դե ինչ, քանի որ Հայկ Գևորգյանը չի ներկայացնում, կներկայացնենք մենք: 
Այսպես՝ կառավարության 1465-Ա որոշման 3-րդ կետի ենթակետում, որի մասին այդքան խոսում է Հայկ Գևորգյանը, հստակ նշված է, որ գնորդը, ով ձեռք կբերի «ԱրարատՑեմենտը» պետք է վճարի ոչ միայն 200.000 դոլար, այլ նաև մարի «ԱրարատՑեմենտի» «ՀայՌուսգազարդին» 9.7 միլիոն դոլար պարտքը: Սա արդեն իսկ նշանակում է, որ Հայկ Գևորգյանի խոսքը իբր ԱրարարտՑեմենտը գնվել է 200.000 դոլարով կեղծ է:
Երկրորդ «ԱրարատՑեմենտի» գնման պահին Գագիկ Ծառուկյանը եղել է գործարանի միայն 25տոկոսի բաժնետերը: 
Հայկ Գևորգյանի ևս մեկ բացահայտ սուտ է նաև այն, որ նա նշում է իբր շվեցարիացի ներդրողներ փորձել են 35 միլիոն դոլար ներդրում անել Արարատցեմենտում , սակայն ինչ-որ անհայտ հանգամանքներում չեն արել: Իսկ ճշմարտությունն այն է, որ ներդրողները տեսնելով,որ Արարատցեմենտը մեծ պարտքեր ունի և մի բան էլ գտնվում է անմխիթար վիճակում, հրաժարվել են ներդրումներ անելուց:
Նշենք նաև մի շատ կարևոր հանգամանք՝ գնումից հետո Գագիկ Ծառուկյանը մասնագետներ է բերել գործարանը վերագործարկելու համար, նրանց համար ապահովելով բոլոր անհրաժեշտ պայմաննները:
Եվ վերջում նաև նշենք, որ կառավարության նույն 1465-Ա որոշման առաջին կետում նշված է եղել, որ ԱրարատՑեմենտի գնորդը գործարանի հետագա աշխատանքներում պետք է ապահովի ոչ պակաս քան 2001 թվականի արտադրությանը չափ ցեմենտ, ինչը ևս իրականացվել է: 
Ավելին՝ տարիներ շարունակ Գգաիկ Ծառուկյանի կողմից գործադրվել են բոլոր ջանքերը Արարատցեմենտի անխափան աշխատանքի համար, որի շնորհիվ էլ մեր երկրի համար ռազմավարական նշանակություն ունեցող ցեմետի արտադրությունը ծաղկել է:
Այսպիսով՝ հերիք է նշել այս մի քանի փաստերը, որ հասկանալի լինի, որ Հայկ Գևրգյանի Արարատցեմետի մասին արած պնդումները իրականության հետ ոչ մի կապ չունեն և առ ոչինչ են: