«ԱրարատՑեմենտ»-ի բաժնետոմսերի մասնավորեցման մանրամսներին ծանոթ Հ. Գևորգյանը միտումնավո՞ր է խեղաթյուրում իրականությունը

Ռոբերտ Մանւկյանը իր Ֆեյսբուքյան էջում գրում է

Օրեր առաջ ԱԺ-ում «Իմ քայլը» խմբակցության պատգամավոր Հայկ Գևորգյանը հայտարարեց, որ ունի այնպիսի փաստեր, որոնք ապացուցում են այն, որ «ԱրարատՑեմենտ» գործարանը գնվել է 200.000 դոլար արժողությամբ: Սրան ի պատասխան ԲՀԿ նախագահ Գագիկ Ծառուկյանը ասաց, որ ով ապացուցի այն, որ «ԱրարտՑեմենտ»-ը գնվել է 200.000 դոլարով, ապա գործարանը կնվիրի նրան: Գևորգյանի այս վերամբարձ հայտարարությունը սուտ էր, քանի որ իրականում այդ գործարանի դիմաց 200.000 դոլար չի որ միայն վճարվել է: Նախ կառավարության 1465-Ա որոշման 3-րդ կետում նշված է այն մասին, որ գնորդը գործարանը կկարողանա գնել միայն այն դեպքում, երբ կմարի նաև «ՀայՌուսգազարդի» հետ ունեցած 6,8 միլիոն դոլար պարտքը: Սա շատ պարզ մաթեմատիկական հաշվարկ է, որից կարող ենք եզրակացնել, որ կուտակված պարտքերի հետ միասին այն ուղղակի չէր կարող կազմել 200.000 դոլար: Պետք է նշել նաև այն, երբ գնվել է գործարանը, Գագիկ Ծառուկյանը ունեցել է ընդամենը 25% մասնաբաժին: 
Այսօր ԲՀԿ պատգամավոր Միքայել Մելքումյանը ներկայացրեց բավարար փաստեր, որոնք ապացուցում են այս ընթացքում տարածված լուրերի անհեթեթությունը:
Այսքանից հետո միայն Գագիկ Ծառուկյանի մեծ ջանքերի շնորհիվ է , որ գործարանը դուրս եկավ «ճգնաժամային» իրավիճակից և շարունակեց աշխատել մինչ օրս, բացվեցին նոր աշխատատեղեր և գործարանը տարիների ընթացքում սկսեց ոտքի կանգնել:

Չմոռանանք նշել, որ ժամանակին Գևորգյանը եղել է «անունով»լրագրող, և իր պնդմամբ նա լավատեղյակ է գործարանին վերբերող մանրուքներին: Իսկ լավատեղյակ լինելով, ինչու՞ եք ներկայացնում միայն այն, ինչը որ դուք եք ցանկանում և ձեր ունեցած «փաստերը» իրականությանը չեն համապատասխանում՝ սրանով հանդերձ խեղաթյուրելով հասրակության կարծիքը: Հիանալի գաղափար էր մտածել Գևորգյանը ինտրիգ ստեղծելու, իր մոռացված կարգավիճակից դուրս գալու և գոնե մի պահ «աչքի ընկնելու» համար, բայց նրա սուտը ջրի երես դուրս գալուց հետո ավելի լավ է լուռ հեռանա բեմից: