Միլիոնավոր մարդիկ իրենց առավոտը սկսում են նարնջի հյութով, քանի որ այն պարունակում է մեծ քանակությամբ վիտամիններ և հանդիսանում է ամենաօգտակար մրգերից մեկը: Բայց մեզանից քչերը գիտեն, որ նարնջի կեղևն օժտված է օգտակար հատկություններով:
Նարնջի և մյուս ցիտրուսային մտքերի կեղևը պարունակում է D-limonene, որն օժտված է անուշ բույրով և կիրառվում է տարբեր մակերևույթներ մաքրելու նպատակով:
Նարնջի կեղևը օժտված է նաև հակաբակտերիալ հատկություններով, ոչնչացնում է բակտերիաները և բորբոսը:
Քացախը լայնորեն կիրառվում է տարբեր մակերևույթներ մաքրելու համար, սակայն դրա հոտը ոչ բոլորին է դուրեկան: Քացախի հոտը կարելի է մեղմել նարնջի կեղևների օգնությամբ: Բանկայի մեջ լցնել նարնջի կեղև, վրան լցնել քացախ. փակել և թողնել մեկ շաբաթ: Այնուհետև լցնել հեղուկցրիչի մեջ և օգտագործել որպես սովորական ունիվերսալ մաքրող միջոց:
Տարայի մեջ դնել նարնջի կեղև և վրան լցնել մեկ բաժակ ջուր: Դնել միկրոալիքային վառարանի մեջ և թողնել ամենաշատը 7 րոպե, որից հետո մնում է միայն մաքրել միկրոալիքային վառարանը ներսից: Այս եղանակով կարելի է մաքրել նաև ջեռոցը:
Նարնջի կեղևը կարելի է օգտագործել նաև որպես համեմունք: Այն անուշ բույր և յուրօրինակ համ կհաղորդի ուտեստներին, հավով աղցաններին: Դրա համար պետք է նարնջի կեղևը չորացնել, մանրացնել փոշու տեսքով, խառնել աղի և սև պղպեղի հետ և օգտագործել:
Նարնջի կեղևից կարելի է նաև մարմնի համար սկրաբ պատրաստել:
Վերցնել ¾ բաժակ շաքարավազ, 4 ճաշի գդալ նշի յուղ, 1 գդալ ձիթայուղ և մեկ նարնջի կեղև: Նարնջի կեղևը անցկացնել մանր քերիչով, վրան լցնել շաքարավազ, այնուհետև յուղերը: Ստացված խառնուրդն օգտագործել որպես մարմնի սկրաբ:
Նարնջի կեղևը օգնում է սպիտակեցնել ատամները: Ատամի մածուկին ավելացնել նարնջի կեղևի փոշի կամ նարնջի կեղևը քսել ատաներին: Դա կամրացնի ատամները, կհանի դեղին փառը:
1
2
3
4
5
1
2
3
4
5
1
2
