Քրքումը հնդկական և չինական բժշկության անփոխարինելի մասնիկն է: Այս բուժիչ բույսն օգնում է ազատվել մի շարք հիվանդություններից, այդ թվում՝ նաև օգնում է պայքարել Ալցհեյմերի հիվանդության և քաղցկեղի դեմ:
Բացի այդ՝ քրքումը պրոֆիլակտիկ միջոց է թոքերի, լյարդի և աղիների հիվանդության դեմ: Այս հրաշագործ դեղին արմատներն ընդունելը ոչ միայն օգտակար է, այլ նաև շատ համեղ է:
Տաք կաթ և մեղր՝ տիպիկ դեղամիջոց մրսածության դեմ: Սակայն առավել արդյունավետ է քրքումով կաթը, որն այդքան էլ հայտնի չէ մեր մայրցամաքի եվրոպական հատվածում: Հնդկաստանում դա ավանդական ըմպելիք է համարվում: Կաթ-կարրին ջերմացնում է մարմինը ներսից՝ օգնելով ազատվել մրսածությունից:
Բաղադրիչներ`Հենց պատրաստի կարրի համեմունք կամ քրքումի աղացած արմատներ – 1 թեյի գդալ, Կաթ – 200 մլ, Շաքարավազ և դարչին ըստ ճաշակի
Պատրաստման եղանակը: Տաքացրեք կաթը, սակայն մի հասցրեք եռման աստիճանի: Վերցնելով կրակից՝ ավելացրեք մեկ թեյի գդալ քրքում: Խառնեք, մինչև դեղին փոշին ամբողջությամբ լուծվի կաթի մեջ: Վերջում ավելացրեք շաքարավազ և դարչին՝ ըստ ճաշակի: Վայելեք:
Կիտրոնով և քրքումով ըմպելիք: Այս վիտամիններով լի կոկտեյլը՝ կիտրոնով և քրքումով, կամրացնի ձեր դիմադրողականությունը և կօգնի ձմեռն անցկացնել առանց մրսածության: Ի դեպ՝ երեխաներին այն նույնպես շատ է դուր գալիս: Առավել արդյունավետ լինելու համար այս ըմպելիքի մեջ նաև կոճապղպեղ են ավելացնում, որն օգնում է ազատվել սրտխառնոցից և գլխացավից:
Բաղադրիչներ` Թարմ քամած կիտրոնի հյութ, Կես կամ մեկ քարորդ թեյի գդալ քրքում (ըստ ճաշակի), Կոճապղպեղ՝ ըստ ճաշակի
Պատրաստման եղանակը: Մաքրեք կոճապղպեղը և դրեք բաժակի մեջ: Վրան եռման ջուր ավելացրեք, մոտավորապես ¾ չափաբաժնով: Թողեք՝ ջուրը սառչի. շատ տաք ջրի մեջ կիտրոնի օգտակար հատկությունները վերանում են: Սառչելուց հետո ըմպելիքի մեջ ավելացրեք կիտրոնի հյութը և քրքումի փոշին: Լավ խառնեք: Ցանկության դեպքում կարելի է նաև շաքարավազ ավելացնել:
1
2
3
4
5
2
3
4
5
2
3
4
5
