Ցեմենտը Հայաստանի համար ռազմավարական նշանակություն ունեցող արտադրանք է և մենք պարզապես իրավունք չունենք սխալվելու
BlogՄիսակ Մանուկյանը ֆեյսբուքյան իր էջում գրում է․
Պետական տուրքի մասին փոփոխություններ և լրացումներ կատարելու մասին օրինագիծն օրեր շարունակ մեր երկրում բուռն քննարկումների պատճառ դարձավ: Այս համատեքստում հիշեցի մեր հարևան Վրաստանի օրինակը որտեղ ևս ամիսներ առաջ խնդիր էր ծագել կլինկերի ներկրման հետ կապված: Այսպես՝ Վրաստանում 25 գործարաններ, որոնք աշխատում էին դրսից՝ Ադրբեջանից և Իրանից ներկրված կլինկերով մեկ ամիս շարունակ չեն աշխատել,քանզի շուրջ 3000 տոննա կլինկեր Վրաստանի սահմանին չէր մաքսազերծվում, իսկ պատճառն այն էր, որ Վրաստանի կառավարությունը վստահ չէր ներմուծվող կլինկերի որակի վրա: Սա շատ փայլուն օրինակ է, որը հստակ ցույց է տալիս, ինչպես է մեր հարևան երկրում խթանվում տեղական արտադրանքը մի կողմից և մյուս կողմից թե ինչքան են կարևորում դրսից ներկրվող կլինկերի որակը, իսկ որ դրա որակը վիճահարույց է ոչ ոքի համար գաղտնիք չէ: Այստեղ նշենք նաև, որ մեր երկու հարևան երկրներում՝ Վրաստանում և Ադրբեջանում կլինկերի ներմուծման վրա դրված է պետական տուրք:
Հիմա գալով մեր երկրին ստացվում է, որ մեր երկրում անում ենք ճիշտ հակառակը՝ պետական արտադրողին մրցակցությունից դուրս ենք թողում, իսկ դա ցեմենտի նման ռազմավարական նշանակություն ունեցող արտադրանքի դեպքում աններելի է: Իհարկե խոսքը չի գնում Հայաստանում ցեմենտի արտադրության մոնոպոլիա ստեղծելու մասին, սակայն այդպիսի մոնոպոլիա չպետք է ստեղծվի նաև կլինկեր նեմուծող մի քանի ընկերությունների համար:
Այսպիսով այս հարցը պետք է համակողմանի ուսումասիրվի հաշվի առնելով բոլոր կողմերին, պետք է նաև չանտեսել հարևան երկների փորձը, համապարփակ մոտեցում ցուցաբերելով, քանզի ևս մեկ անգամ շեշտենք ցեմենտը Հայաստանի համար ռազմավարական նշանակություն ունեցող արտադրանք է և այս պարագայում մենք պարզապես իրավունք չունենք սխալվելու:Եվ հանկարծ այնպես չստացվի, որ մեկ օր պարզվի, որ Իրանից կլինկեր ներմուծելու այլընտրանք այլևս չունենք:
1
2
3
4
5
1
2
3
4
5
2
3
