Երեկ ես չտեսա այն Վաղինակին, ով այդքան դրական տպավորություն էր թողնում

Գեղամ Ասլամազյանը ֆեյսբուքյան իր էջում գրում է.

Խոսքեր չեմ գտնում, որպեսզի նկարագրեմ, թե որքան եմ ես հիասթափված Վաղինակ Շուշանյանի վարքից: Կարծես թե այս տղայի աստղայինը տարել է, ու իրեն թվում է, որ եթե իրեն գովում ու սիրում էին, ինքը կարող է անել ինչ կամենա և ոնց կամենա:

Մինչդեռ, Վաղինակի նկատմամբ դրական վերաբերմունքը մեծապես պայմանավորված էր հենց նրանով, որ ինքը չէր պահում իրեն հիստերիկի պես, չէր դրսևորում ծախու կամ էլ մարգինալացված ակտիվիստներին տիպիկ պահվածք, հնարավորինս կոռեկտ էր ու քաղաքավարի: Իսկ եթե էսօր կանգնում է ու լաչառ կնգա պես սկսում է ոռնալ «Օսիպյան, արի ստե հլը, արա», «Եթե էսինչը չանես՝ աբառոտկա եմ խփելու լյուբոյին» և այլն...

Վաղինակ ջան, քո այս վարքը փոխում է ամբողջ պատկերը, այդ թվում Բաղրամյանից Օպերա գնալու վիճահարույց կոչի վերաբերյալ: Բա եթե էդքան դուխով ու «ատչայեննի» տղա էիր, ինչի՞ փախար էն ժամանակ, ինչի՞ ենթարվեցիր նույն էդ Օսիպյանի պահանջներին...

Ճիշտ են ասում, որ փառքն ու սերն էլ են այլասերում: Երեկ ես չտեսա այն Վաղինակին, ով այդքան դրական տպավորություն էր թողնում: Փոխարենը ես երեկ տեսա փողոցային խուլիգանի վարքով ու հայտնի չի, թե իրեն ինչի տեղ դրած մեկին, ով կամ այս կերպ փորձում է դիվիդենտներ հավաքել ընդդիմադիր-պայքարիստական դաշտում, կամ էլ պարզապես կորցրել է իրականության ու չափի զգացողությունը:

Կից նյութն այստեղ