«Համայնքը զորավոր է». Քյարամյանը տեղի տվեց
Հասարակություն«Ես դատախազությունում ծառայության եմ անցել 2016 թվականի հունիսին, այնուհետև, 2017 թվականին, ներկայացրել եմ հայտարարագիր, որում, ըստ էության, ներառել եմ խնդրո առարկա դարձած ունեցվածքը, այդ թվում՝ շարժական և անշարժ գույք և դրամական միջոցներ, այսինքն՝ ստացվում է, որ իմ ակտիվ ներկայացրած հայտարարագրում ես ամբողջությամբ ներառել եմ վերը նշված ունեցվածքը»: Այս մասին այսօր կառավարության նիստից հետո լրագրողների հետ ճեպազրույցում ասաց ՊՎԾ պետի պաշտոնակատար Արգիշտի Քարամյանը:
«Հետագայում պաշտոններ եմ զբաղեցրել այլ մարմիններում և իմ ներկայացրած հայտարարագրերում որևէ էական փոփոխություն տեղի չի ունեցել, այսինքն՝ ամենասկզբից ես հայտարարագրել եմ այդ ունեցվածքը»,-ասաց Քարամյանը:
Դիտարկմանը, թե Քաղաքացու օրը վարչապետն ասել էր, որ Քյարամյանից պարզաբանում կպահանջի, փորձե՞լ է այդ հարցի պատասխանը ստանալ, Քարամյանը նշեց.
«Իմ և վարչապետի միջև ունեցած խոսակցությունը կամ վարչապետի կողմից ինձնից պարզաբանում պահանջելու հանգամանքը, կարծում եմ՝ հրապարակման ենթակա չէ»:
Հարցին, թե իր կնոջը որտեղի՞ց 26 մլն և 46 հազար դոլարը, Քյարամյանը պատասխանեց. «Ես ամուսնացել եմ ավելի վաղ, քան որևէ պետական պաշտոն եմ ստանձնել, և կինս այդ գումարներն ունեցել է մեր ամուսնությունից առաջ, և հենց առաջին հայտարարագրում ես այդ գումարները ևս հայտարարագրել եմ»:
Դիտարկմանը, թե ինչո՞ւ նախորդ ճեպազրույցի ժամանակ նա չասաց, թե որտեղից իրեն այդքան ունեցվածք, Քյարամյանն ասաց.
«Իրականում, այս պարզաբանումները կարող էի տալ նախորդ ճեպազրույցին, սակայն ինչպես նշել էի իմ պարզաբանման մեջ, բովանդակային առումով, ունեցվածքս չպարզաբանելու միակ պատճառն այն էր, որ ցանկացել եմ ևս մեկ անգամ ընդգծել անձի անձնական կյանքի գաղտնիության իրավունքի կարևորությունը»:
Լրագրողի այն հարցին, թե ինչո՞ւ ի վերջո որոշեց, որ հաշվետու է հանրության առաջ, Քյարամյանը պատասխանեց, որ պատճառն այն էր, որ հանրությունը լայնորեն սկսեց քննարկել, հանրությունը պահանջ էր ներկայացրել այդ առումով պարզաբանումներ ստանալու:
1
2
3
4
5
1
2
3
4
5
1
2
3
5
