Արարատի մարզում 70 հա–ից ավելի այգիներ մշակվում են ինտենսիվ եղանակով, 700 հա՝ կաթիլային ոռոգման. նախարար
ՀասարակությունԱրարատի մարզի հողերի 74 տոկոսից ավելի գյուղատնեսական նշանակության է. 70 հա–ից ավելի այգիներ մշակվում են ինտենսիվ եղանակով, 700 հա՝ կաթիլային ոռոգման։ Այս մասին այսօր՝ մայիսի 4-ին, «Իմ քայլը հանուն Արարատի մարզի» տնտեսական համաժողովի ժամանակ ասաց Տնտեսական զարգացման եւ ներդրումների նախարար Տիգրան Խաչատրյանը։
Նա նշեց, որ գյուղատնետսության ոլորտում օգտագործվող տեխնոլոգիական նորարարությունները կարեւոր են եւ որոնք պետք է լուծեն Հայաստանում ամենակարեւոր գյուղխնդիրը՝ գյուղատնտեսության բնագավառում արտադրողականության բարձրացումը։
Նախարարը շեշտեց, որ պետք է օգտագործել սահմանափակ ռեսուրսների լավագույն եղանակները, նախանշել եւ գյուղատնտեսության, եւ արդյունաբերության զարգացումները մարզում։
«Մարդկանց ներուժի եւ հողային ռեսուրսների ճիշտ օգտագործում, լավագույն մշակաբույսերի եւ տեխնոլոգիաների օգտագործում եւ մեծ տնտեսական արդյունքի ստեղծում»,– Արարատի մարզը 5 կամ 10 տարի անց այսպես է տեսնում նախարարը, միաժամանակ շեշտեց, որ պետք է աջակցել յուրաքանչյուրին, որ գաղափարները դառնան ծրագրեր՝ նպաստելով մարզի զարգացմանը։
1
2
3
4
5
1
2
3
4
5
1
2
3
5
