Զորավարժությունների կարևորությունը պետության համար

Ամենից առաջ կարևոր է գիտակցել, թե ի՞նչ առաքելություն ունեն նման միջոցառոււմները հատկապես ՀՀ-ի համար: Պետք է փաստենք, որ Հայաստանի անկախությունից ի վեր, ադրբեջանա-հայկական շփման գծում իրավիճակը մշտապես լարված է եղել: Բացի դա, պաշտոնական Բաքուն մշտապես խոսում է պատերազմի վերսկսման մասին:

Այս պայմաններում պետությունն անընդհատ պետք է հասկանա, թե իր ունեցած ռեսուրսները, ռազմական հնարավորություններն ու պատրաստավածությունը գործնականում ինչպես են «աշխատում»: Զորավարժությունները, թերևս, կարևոր քննաթերթիկ են ոչ միայն բանակի տարբեր ստորաբաժանումների համար, այլ նաև տվյալ երկրի հանրության:

Բացի սա նկատենք, որ զորվարժությունների ընթացքում պետությունը դիտարկում է բոլոր ծայրահեղ էսկալացիոն պրոցեսները, հնարավոր վտանգները, որոնք կարող են տեղի ունենալ տարածաշրջանում: Սրա արդյունքում էլ հնարավորություն է ունենում ռեալ գնահատել սեփական ուժերն ու պատրաստվել իրական խնդիրներին:

Մի խոսքով, պարբերական զորավարժությունները հնարավարություն են տալիս հանրությանն ավելի սթափ դատել երկրի շուրջ տեղի ունեցող իրավիճակը: Շատ երկրների փորձով կարելի է հստակ ասել, որ այսօրինակ գործողությունների արդյունքում բնակչությունը դառնում է ավելի կենսունակ: