Ինչպե՞ս ճիշտ սառեցնել ելակները, որպեսզի դրանք պահպանեն իրենց համն ու որակը. սառեցրեք հիմա և վայելեք ձմռանը

Շատերս ենք սիրում ելակ և ցանկանում այն վայելել նույնիսկ ձմռանը: Եթե դուք ունեք սառցախցիկ, ապա դա խնդիր չէ: Որպեսզի պտուղները հալչելուց հետո չունենան անդուր գույն և տհաճ համ, պետք է հետևել մի քանի կանոնների:

Ինչպե՞ս սառեցնել ելակը․ պտուղների և տարաների նախապատրաստում 

Սառեցնելու համար ավելի հարմար է օգտագործել պլաստմասսե տարաներ կամ նույնիսկ պոլիէթիլենային տոպրակներ, բայց զգույշ եղեք․ դրանք սառնությունից կարող են պայթել:

Ոմանք կարծում են, որ պետք չէ ելակը լվանալ, որպեսզի այն ջուր չներծծի և ջրալի չդառնա: Բայց ամեն դեպքում ճիշտ է լվանալը, քանի որ այն աճում է հողի մակերեսին և անմիջական շփման մեջ է հողի հետ:

Պետք է լվանալ պտուղները փոքր չափաբաժիններով, շատ ջրող և արագ, որպեսզի այն չհասցնի լիովին ներծծվել ջրով: Հետք պետք է լցնել պլաստմասսե ցանցի մեջ, որպեսզի ավելորդ ջուրը հոսի, իսկ հետո շարել անձեռոցիկի վրա այնպես, որ մեկը մյուսին չկպչի, և թողնել 1 ժամ: Հիմա չոր ելակի հետ կարելի է աշխատել:

№1

Պոլիէթիլենային տոպրակն անցկացրեք տախտակի կամ լայն ափսեի վրա: Դրա վրա շարեք ելակները և դրեք սառցախցիկ: Թողեք մի քանի ժամ: Հոտո սառցախցիկից հանեք ելակը տոպրակի հետ, և այն կհայտնվի տոպրակի մեջ: Հետո արդեն կարելի է ելակը պահել երկար ժամանակով:

№2

1 կգ ելակի համար ձեզ հարկավոր է 200 գ շաքարի փոշի: Ելակը սառչելիս կորցնում է որոշակի քաղցրություն, և որպեսզի հալեցրած ժամանակ այն քաղցր լինի, հարկավոր է սառեցնել շաքարավազով:

Ելակները համար առաջին ձևի նման լվացեք, չորացրեք, դասավորեք տախտակի կամ սկուտեղի վրա, որի վրա պոլիէթիլենային տոպրակ է անցկացված, 2 ժամ սառեցրեք և շերտ-շերտ շաքարի փոշի ցանելով դասավորեք այն ամանների մեջ, որոնցով պետք է պահեք:

№3

Կարելի է ելակը սառեցնել քերած վիճակում: Արդեն լվացված և չորացված մթերքը լցրեք խառնիչի մեջ, դարձրեք պյուրե, լցրեք պլաստմասսե տարաների մեջ: Շաքարավազը կարելի է կա՛մ հիմա լցնել, կա՛մ ձմռանը, արդեն օգտագործելիս 1 կգ մրգին 300 գ հաշվով:

Նյութի աղբյուր՝ xohanoc.am