20 խոստովանություն տղամարդուց, ով բաժանվել է կնոջից ու ափսոսանք է ապրում. ՍԱ պետք է կարդա յուրաքանչյուր տղամարդ` հետագայում չզղջալու համար

Տղամարդ, ով 16 տարի համատեղ կյանքից հետո բաժանվել է կնոջից ու հիմա ափսոսում է դրա համար։ Նրա խորհուրդները՝ նույն սխալը չկրկնելու համար․

1.Երբեք մի դադարեք հոգ տանել կնոջ մասին։ Մի դադարեք ծանոթանալ: Իմ ամենամեծ սխալն այն էր, որ ես կնոջս համարում էի իմ սեփականությունը։ Երբ դուք ձեր կնոջն ամուսնության առաջարկություն էիք անում, երևի համոզված էիք, որ միշտ պայքարելու եք նրա սիրո համար, պաշտպանելու եք նրան։ Բայց տարիների հետ այդ խոստումները մոռացվում են։ Ձեր կինն ամենակարևոր ու թանկ գանձն է ձեր կյանքում։ Դուք եք ընտրել նրան։ Մի մոռացեք այդ մասին։ Երբեք մի ալարեք պահպանել ձեր սերը:

2.Պահպանեք ձեր սիրտը: Դուք պետք է լինեք ոչ միայն նրա սրտի պաշտպանը, այլ նաև ձեր։ Պահպանեք այն այլ կանանցից։ Ոչ մեկ չպետք է թեկնածու լինի ձեր սրտի համար բացի ձեր կնոջից։

3.Սիրահարվեք նորից, նորից ու նորից: Դուք մշտապես փոխվում եք։ Դուք այլևս այն նույն մարդը չեք, ով նոր էր ամուսնանում։ 5 տարի հետո չեք լինի այն մարդը, ով կաք հիմա։ Փոփոխությունները մշտական են, այդ պատճառով դուք պետք է գիտակացաբար ընտրեք ամենօրյա համատեղ կյանքը։ Պայքարեք նրա սիրո համար այնպես, ինչպես անում էիք այդ ծանոթության առաջին օրերին

4.Միշտ փնտրեք նրա մեջ ամենալավը:Կենտրոնացեք նրա վրա, թե ինչն եք նրա մեջ սիրում, այլ ոչ թե ինչը ձեզ դուր չի գալիս։ Միայն այդ դեպքում ձեր սերը կշարունակի աճել։ Կենտրոնացեք ձեր կյանքի այն պահերի վրա, երբ ձեզ սիրված ու երջանիկ եք զգացել։ Չէ՞ որ հենց այնպես չեք ամուսնացել նրա հետ

5.Մի փորձեք փոխել նրան։ Դա ձեր խնդիրը չէ: Ձեր խնդիրն է՝ պարզապես սիրել նրան։ Մի փորձեք նրա բնավորությունը հարմարեցնել ձեզ։ Մի կոտրեք նրան։ Այդ դեպքում նա ինքը կփոխվի այնպես, որ դուք կսկսեք ավելի շատ սիրել նրան

6.Վերցրեք պատասխանատվությունը ձեզ վրա: Ձեր անձնական երջանկությունը ձեր կնոջ հոգսը չէ։ Նա չի կարող ձեզ երջանկացնել, եթե դուք ինքներդ այդ չեք ուզում։ Դուք եք պատասխանատուն, որ ձեր ընտանիքի անդամները երջանիկ լինեն։ Եթե դուք կարողանաք երջանիկ լինել, երջանիկ կլինեն և՛ նա, և՛ ընտանիքի մյուս անդամները

7.Երբեք մի բարձրացրեք ձայնը, իբր թե նա է մեղավոր, որ դուք բարկանում եք: Եթե բարկացած եք ձեր կնոջ վրա, դա ձեր անձնական էմոցիաներն են ու ձեր սեփական ընտրությունը։ Ձեր էմոցիաները ձեր պատասխանատվության տակ են։ Ձեր կինը պարտավոր չէ բուժել ձեր մանկական տրավմաները։ Եթե անհրաժեշտ է, դադար վերցրեք, պարզեք ինքներդ ձեր մեջ ամեն ինչ ու ամեն բան լավ կլինի

8.Թույլ տվեք ձեր կնոջը պարզապես ապրել: Երբ նա վատ տրամադրության մեջ է, մի փորձեք ակնթարթորեն ուղղել ամեն ինչ։ Ուղղակի բացատրեք նրան, որ տխրել, բարկանալ, հուսալքվել ժամանակ առ ժամանակ ՝ նորմալ է։ Կանայք աշխարհը շատ էմոցիոնալ են ընկալում։ Երբ նա հանգստանա, կհասկանա, որ դուք ուժեղ ու կամային մարդ եք։ Որ նա կարող է ձեզ վստահել։ Տվեք նրան այդ վստահությունը, որ միշտ իր կողքին եք լինելու՝ անկախ դժվարություններից

9.Եղեք ուրախ: Մի դատեք ձեզ չափից ավելի լուրջ։ Հաճախ ծիծաղեք ու ստիպեք նրան նույնպես ծիծաղել։ Ծիծաղը կյանքը հեշտացնում է

10.Նայեք նրա հոգու խորքն ամեն օր: Իմացեք, թե ինչն է նրան ստիպում սիրված ու պաշտպանված զգալ։ Եթե անհրաժեշտ է կազմեք 10 բաների ցանկ, որոնք նրան կյանքից գոհ են դարձնում։ Փորձեք այնպես անել, որ ամեն օր նա իրեն թագուհի զգա

strong>11.Ներկա գտնվեք նրա կյանքին:Ուշադրություն դարձրեք նրա կյանքին։ Եթե նա ինչ-որ բան է պատմում, լսեք։ Արեք ամեն բան, որ երեկոյան կարողանաք շփվել նրա հետ։

12.Ընդունեք նրա սեքսուալությունը: Սեքսը մի համարեք միայն լարվածությունը թուլացնելու միջոց։ Դա հնարավորություն է ձեր համար ներթափանցելու նրա հոգու ամենախորքը։ Թույլ տվեք ձեզ հալվել նրա քնքշությունից։ Թող նա իմանա, որ կարող է ձեզ 100 տոկոսով վստահել և՛ անկողնում, և՛ կյանքում

13.Հիմար մի եղեք, բայց նաև մի վախեցեք հիմար լինելուց: Դուք անելու եք սխալներ, նա նույնպես անելու է։ Կարողացեք միայն ընդունել այդ սխալները, որպեսզի ավելի մեծ սխալներ թույլ չտաք։ Դուք պարտավոր չեք կատարյալ լինել։ Բայց չպետք է անմտի տպավորություն թողնեք շաբաթը 7 օր, օրը 24 ժամ

14.Տվեք նրան անձնական տարածություն: Նրան ազատ ժամանակ տվեք։ Թույլ տվեք հանդիպել ընկերուհիների հետ ու ունենալ հոբբի։ Պարբերաբար դուք մնացեք երեխաների հետ։ Նրան հնարավորություն տվեք հանգստանալ ու զարգանալ։

15.Երբեմն խոցելի եղեք: Պատրաստ եղեք նրա հետ կիսվել ձեր վախերով ու զգացմունքներով։ Ընդունեք ձեր սխալները, ներողություն խնդրեք։

16.Ազնիվ եղեք նրա առջև:Եթե ցանկանում եք, որ ձեր միջև վստահություն լինի, պատրաստ եղեք կիսվել նրա հետ՝ հատկապես այն գաղտնիքներով, որոնք ոչ մեկին չէիք ասի։ Դրա համար տղամարդկություն է հարկավոր։ Բայց այն բանից հետո, երբ դուք բացեք նրա առաջ ձեր սիրտը, կսկսի իսկական սերը։ Դիմակ կրեք, որտեղ պատահի, բայց հանեք այն, երբ տուն եք վերադառնում

17.Երբեք մի դադարեք միասին աճել: Եթե դուք դադարեք բարելավել ձեր հարաբերությունները, դրանք կլճանան։ Գտեք ընհանուր նպատակներ ու երազանքներ։ Համատեղ ծրագրեր կազմեք ու աշխատեք իրականացնել դրանք միասին

18.Մի մտահոգվեք փողի մասին: Փողը դա աղբյուր է, որ դուք երկուսդ միասին պետք է կառավարեք։ Գումարը երբեք չի օգնում, եթե վախենում եք օգտվել։ Սովորեք վստահել ձեր զուգընկերոջը։

19.Սովորեք ներել ու մոռանալ: Ներեք ու երբեք մի վերհիշեք հին դեպքերը։ Կենտրոնացեք ապագայի վրա ու մի թողեք, որ անցյալը խառնվի ձեր ծրագրերին։ Մի թողեք, որ անցած պատմությունները ձեզ իրենց գերին դաձնեն։ Հիշեք սխալները, որոնք թույլ եք տվել, բայց միայն չկրկնելու համար։

20.Միշտ ընտրեք սերը: Այս աշխարհը միակն է լինելու։ Օգտագործեք այն որպես կյանքի գլխավոր նպատակ։ Եթե ընտրեք սերը, ոչ մի բան չի կարող սպառնալ ձեր երջանկությանը։ Սերը դիմանում է ամեն ինչին։ Ամուսնությունը «ու ապրեցին նրանք երջանիկ ու երկար»-ը չէ։ Այն աշխատանք է։ Այն պատրաստակամություն է անընդհատ ներդրումներ անելու ձեր հարաբերություններում։ Սրանք դասեր են, որոնք ես զգացել եմ սեփական մաշկիս վրա, բայց շատ ուշ