«Փաթեթը մշակվել է Դատախազության ու Քննչական կոմիտեի հետ համատեղ ու միտված է հիմնականում անտառների ոլորտում ապօրինի անտառհատումների նվազեցմանն ու իրավախատումների հետեւանքով պատիժների խստացմանը», - ասաց նախարարը՝ հավելելով, որ ծառահատումների դեպքերը այդ ոլորտում խախտումների ավելի քան 50 տոկոսն են կազմում:
ԱԱԾ տնօրեն Արթուր Վանեցյանը հանդես եկավ առաջարկով. «Եկեք առհասարակ որսը երեք համ կինգ տարի արգելենք Հայաստանում: Ես, լինելով նախկինում շատ ակտիվ որսորդ, արդեն մոտ յոթ տարի է՝ չեմ գնացել որսի ու միշտ խոսում եմ դրա մասին: Եկեք արգելենք առհասարակ որսը», - ասաց Արթուր Վանեցյանը՝ առաջարկելով այդ համատեքստում ժամանկավորապես արգելել նաեւ որսորդական փամփուշտների ներմուծումը:
«Գնում են ու անկանոն որս են անում, հատկապես գյուղական վայրերում ու դա վերահսկելը շատ դժվար է», - ասաց ԱԱԾ տնօրենը:
Վարչապետ Նիկոլ Փաշինյանն էլ արձագանքեց, որ դրա նման ինչ-որ մի բան պետք է անել. «Ինչու եմ ասում դրա նման, որովհետեւ գաղափարը շատ լավ, շատ ճիշտ գաղափար է, ուղղակի էլի եմ ասում, մենք պետք է շատ լուրջ ուսումնասիրենք: Հիմա եթե ձեր առաջարկն ի գիտություն ընդունենք, պետք է խնդիրը բազկամողմանի նայել: Մենք ունենք բացառիկ հարստություն, բայց դրա մի մասը գտնվում է ոչնչացման եզրին», - ասաց Նիկոլ Փաշինյանը՝ հավելելով, որ հասկանում է Վանեցյանի մտահոգությունը, որովհետեւ, երբ մարդը դուրս է գալիս որսի, ինչ դեմը դուրս է գալիս, խփում է:
Նիկոլ Փաշինյանը նկատեց, որ որսի առումով մշակութաբանական խնդիր էլ կա. «Ամեն շարժվող բանի վրա կրակելու կուլտուրան գոյություն ունի: Ես դա գիտեմ իմ ծննդավայրում տրամաբանության եւ մտածողության առումով: Փառք Աստծո, ոչ մի կենդանու վրա չեմ կրակել, ոչ մի շարժվող բանի վրա չեմ կրակել: Մարդու վերաբերմունքից կենդանու նկատմամբ կարելի է հետեւություններ անել, թե մարդը ինչպես է վերաբերվում մարդուն: Շատերն ասում են՝ դե, կատու է, էլի: Իրականում այդպես չի: Չնայած ասեմ, որ օրինական որսը դատապարտելի չեմ համարում», - ասաց Նիկոլ Փաշինյանը:
1
2
3
4
5
1
3
4
5
1
2
3
5
