Ցավ ապրեցի վարչապետին լսելուց հետո, որովհետեւ համատեղ անցած բարդ ճանապարհ ունեինք. Խաժակյան (վիդեո)
ՀասարակությունԵվ հիմա ուղղակի ցավալի է, երբ վարչապետն ասում է՝ այն ժամանակ մենք կաշկանդվածություն ունեինք, հիմա արդեն հանգիստ քննադատում ենք քաղաքապետին: Այս մասին այսօր՝ մայիսի 10-ին ֆեյսբուքյան ուղիղ եթերի միջոցով հայտարարեց Երեւանի ավագանու «Լույս» խմբակցության ղեկավար Դավիթ Խաժակյանը՝ անդրադառնալով վարչապետ Նիկոլ Փաշինյանի այն հայտարարությանը, որ Երեւանի քաղաքապետ Հայկ Մարությանին քննադատում են ավելի շատ, եւ ինչու Տարոն Մարգարյանին այն ժամանակ այդպես չէին քննադատում:
«Նա ուրախ է, որ հեղափոխությունը տվեց այդ ազատությունը մարդկանց: Հայկ Մարությանին քննադատող շատ մարդ չկա, առաջին հերթին դա ինձ վերագրեցի»,- ասաց Խաժակյանը, եւ հիշեցրեց «Զիբիլիքսի» գործը, երբ «Ելք» դաշինքի անդամները 2017 թ. Երեւանի ավագանու ընտրությունների քարոզչության վերջին օրը իրավապահներին «հանցագործության մասին» հաղորդում էին ներկայացրել՝ դրան կցելով հանրապետական Տարոն Մարգարյանի նախընտրական շտաբի մոտ տեղադրված աղբամաններից հայտնաբերված սկանդալային փաստաթղթերը, որոնք, ըստ իրենց՝ վկայում են «Հանրապետականի» կողմից ընտրակաշառքի բաժանման համակարգված եւ կենտրոնացված բնույթ կրելը:
«Ցավ ապրեցի վարչապետի խոսքերը լսելուց հետո, որովհետեւ համատեղ անցած ճանապարհ ունեինք, բարդ ճանապարհ: Հիմա տպավորություն է, որ քաղաքական գործունեությամբ զբաղվելն արդեն խաղ ու պար է, բայց դրան նախորդել էր ինչ-որ մի անցած ճանապարհ՝ Նիկոլ Փաշինյանի հետ համատեղ: Եվ հիմա ուղղակի ցավալի է, երբ վարչապետն ասում է՝ այն ժամանակ մենք կաշկանդվածություն ունեինք, հիմա արդեն հանգիստ քննադատում ենք քաղաքապետին: Գոնե ինձ մոտ որեւէ բան չի փոխվել այս առումով»,- ասաց Դավիթ Խաժակյանը:
1
2
3
4
5
2
3
4
1
2
3
4
5
