Մարզպետն ընդունել է Արմավիրի դպրոցի գործադուլավորներին (լուսանկարներ)
ՀասարակությունԱրմավիր քաղաքի թիվ 5 դպրոցի ուսուցիչները, աշակերտները և ծնողները մարզպետարանի դիմաց գործադուլ էին հայտարարել՝ պահանջելով իրենց պաշտոնաթող եղած տնօրենի վերադարձը։
Արմավիրի մարզպետարանի լրատվության և հասարակայնության հետ կապերի բաժնի պետ Հերմինե Վարդանյանը նշեց, որ մարզպետը հանդիպում է ունեցել ծնողների և ուսուցիչների հետ, հորդորել, որ երեխաներին զերծ պահեն բողոքի ակցիաներից․ «Մարզպետը ուսուցիչների և ծնողների հետ քննարկեց հարցը, լսեց նրանց և հայտնեց այս հարցի վերաբերյալ իր դիրքորշումը։ Նա անթույլատրելի և անօրինական է համարել նման գործընթացներում աշակերտների ներառումը և այդ ճանապարհով դասաժամերի խաթարումը` հորդորելով ուսուցիչներին վերադառնալ դպրոց և աշխատել բնականոն հունով։ Հանդիպման մանրամասները մենք հաղորդագրության տեսքով տեղադրել եք մեր էջում»,-
Արմավիրի մարզպետարանի հաղորդագրությունը ներկայացնում ենք ստորև․
«Մարզպետն ընդունել է Արմավիրի N 5 դպրոցի ուսուցիչներին և ծնողներին ՀՀ Արմավիրի մարզպետ Համբարձում Մաթևոսյանն այսօր ընդունել է Արմավիրի մարզի Արմավիրի Զորավար Անդրանիկ Օզանյանի անվան N 5 հիմնական դպրոցի ուսուցիչներին և ծնողներին: Հանդիպման ընթացքում քննարկվել է երեկ դպրոցում տեղի ունեցած տնօրենի մրցույթի արդյունքում գործող տնօրենի` պաշտոնում չվերընտրվելու հարցը:
Լսելով ուսուցչական կազմի և ծնողների այն պնդումները, որ խորհուրդն ուղղորդմամբ է իրականացրել քվեարկությունը` մարզպետ Համբարձում Մաթևոսյանն ընդգծել է, որ մարզպետարանի կողմից որևէ ուղղորդում չի եղել, հակառակ դեպքում մրցույթի արդյունքները կարող են չեղյալ ճանաչվել դատական կարգով:
Մարզպետն իր խոսքում անդրադարձել է նաև դպրոցների կառավարման խորհուրդների ձևավորման կարգին` նշելով, որ այն կոլեգիալ մարմին է, որի անդամներին երեք տարի ժամկետով առաջադրում է Կրթության և գիտության նախարարությունը, լիազոր մարմինը (մարզպետարանը), մանկավարժական և ծնողական խորհուրդները` հավելելով, որ բարձրաձայնված հարցի հասցեատերը մարզպետարանը չէ: Համբարձում Մաթևոսյանն անթույլատրելի և անօրինական է համարել նման գործընթացներում աշակերտների ներառումը և այդ ճանապարհով դասաժամերի խաթարումը` հորդորելով ուսուցիչներին վերադառնալ դպրոց և աշխատել բնականոն հունով: Հանդիպման ավարտին կողմերի միջև պայմանավորվածություն է ձեռք բերվել աշխատանքային խումբ ստեղծելու և հարցի շուրջ լրացուցիչ քննարկում ունենալու վերաբերյալ:
սաց Հերմինե Վարդանյանը։
Տեղեկատվության և հասարակայնության հետ կապերի բաժին»:
1
2
3
4
5
1
2
3
4
5
1
2
3
5
