Սա խայտառակություն է. ԵՊՀ-ի 100-ամյակը նշվում է առանց «պետության». Գագիկ Համբարյան Բլոգոսֆերա
ՇՊՀ դասախոս Գագիկ Համբարյանը իր ֆեյսբուքյան էջում գրել է.
«Այսօր Գյումրիից մեկնարկեց Երևանի պետական համալսարանի 100-ամյակի տոնակատարությունների սկիզբը... Ուղիղ 100 տարի առաջ այս օրը Գյումրիի ներկայիս «Տեխնոպարկի» շենքում է հիմնադրվել Հայաստանի Մայր բուհը և պատահական չէ, որ ԵՊՀ-ի 100-ամյակին նվիրված միջոցառումների սկիզբը սկսվեց Շիրակի մարզկենտրոնից...
Ներկաների աչքից չվրիպեց մի տարօրինակ փաստ. միջոցառմանը բացակայում էին կառավարության և ԿԳՆ-ի ներկայացուցիչները...Սա տարրական խայտառակություն է, անընդունելի մի երևույթ և ևս մեկ ապացույց, որ ներկայիս իշխանությունները չունեն պետական մտածելակերպ... Զարմանալի է, ինչպե՞ս կարելի էր արհամարհել Հայաստանի ամենակարևոր գիտակրթական կենտորնի 100-ամյա հոբելյարը միայն այն պատճառով, որ ներկայիս ռեկտոր Արամ Սիմոնյանը ՀՀԿ-ական է և ԿԳ նախարարը նրան չի ընդունում... Պարոն Փաշինյանը և նրա քայլող թիմակիցները պետք է վերջապես հասկանան, որ ԵՊՀ-ն Արամ Սիմոնյանի սեփականությունը չէ, որ չեն բարեհաճում մասնակցել ԵՊՀ-ի 100-ամյակին նվիրված միջոցառումների բացմանը... Արամ Սիմոնյանն ինչպես եկել է, այնպես էլ կգնա, ինչպես պարոն Փաշինյանը և նրա պետական մտածողությունից զուրկ թիմակիցները, բայց ԵՊՀ-ն կմնա...
Հ.Գ. Սեփական քաղաքական ուժի իշխանության գալը համապետական տոնի վերածելու և դրա վրա 124 միլիոն դրամ ծախսելը շատ կարևոր էր Փաշինյանի և նրա թիմակիցների համար, իսկ ԵՊՀ-ի 100-ամյակի միջոցառումների սկիզբն արհամարհելը, երևում է, շատ նորմալ երևույթ է գործող իշխանությունների համար...»:
1
2
3
4
5
3
4
5
2
3
4
5
