Որքան ցածր է ռուբլին, այնքան քիչ հարստություն է մտնում մեր երկիր

Հայկ Մարգարյանը ֆեյսբուքյան իր էջում գրում է.

Մի քանի խոսք ռուբլու կուրսի մասին.
Ռուբլու կուրսը առաջնահերթ որոշվում է(ամեն վայրկյան) միջազգային վալյուտային բորսայում, այնուհետև Ռուսաստանի կենտրոնական բանկը չնչին շեղումներով կամ առանց փոփոխության հաստատում է կուրսը։ Կա ռուբլու իրական կուրսի (երբեմն անվանում են մերկացված կուրս) պարզ հաշվարկ՝ արտահայտված դոլլարով
3600/BRN=RUB
որտեղ BRN-ն Բրենթ մակնիշի նավթի գինն է դոլլարով, իսկ 3600-ը մի պայմանական է, որով առաջնորդվում են ռուբլու առքուվաճառքով զբաղվող գրեթե բոլոր տրեյդերները, որոնց կատարած գործարքներով էլ հենց որոշվում է ցանկացած վալյուտայի, ակցիայի կամ բորսային այլ ապրանքատեսակի կուրսը։

Ռուսաստանի էներգետիկայի և ֆինանսների նախարարությունները հաշվարկել են, որ նավթի մեկ բարելը 3600 ռուբլի արժեքը լիովին բավարար է ռուսական էկոնոմիկայի "սահուն" զարգացման համար, դրանից ավելը դիտվում է լրացուցիչ եկամոտ կամ գերհասույթ։ Գեոպալիտիկան և արտակարգ իրադարձություններից գները հենց այնպես չեն փոխվում, այլ դրանք ազդում են շուկայի մասնակիցների բիզնես որոշումների վրա։ Նշված բանաձևից կուրսի շեղումը կրում է ժամանակավոր բնույթ գերակշռող դեպքերում ոչ ուշ, քան երեք օվա մեջ հատում է այդ սահմանագիծը, հենց այս տրամաբանությունը իմանալով, տրեյդերները ակամայից պրոցեսը տանում են այս ուղղությամբ։ Վերը նշված մոտ 10% շեղումը իր մեջ կարող է պարունակել Ռուսաստանից արտահանվող այլ օգտակար հանածոների ազդեցությունը և այլ գործոններ, իսկ կուրսի վրա ազդող հոգեբանական մեթոդները, որոնց թիվը կարող է հասնել հարյուրների, ստեղծում են աճող կամ նվազող տրենդներ։