Պետությունը պետք է աջակցի սահմանամերձ բնակչությանը
Ուշադրության կենտրոնում
Մարինա Ներսեսյանը ֆեյսբուքյան իր էջում գրում է.
Սահմանային լարվածության մեջ գտնվող պետությունը պետք է կանգնած լինի թշնամու թիրախում գտնվող սահմանամերձ գյուղերի բնակչության կողքին: Չնայած նրան, որ սահմանային լարվածությունը վերջին քսան տարիներին սովորական երևույթ է դարձել, այնուամենայնիվ բնակչությունը ունի թե ֆինանսական և թե բարոյական աջակցության կարիք:
Հատկանշական է, որ վերջին օրերին տիրող սահմանային լարվածության պայմաններում բնակչությունը զգա, որ մենակ չէ: Պատահական չէ, որ այսօր վարչապետ Հովիկ Աբրահամյանը ՀՀ պաշտպանության նախարար Սեյրան Օհանյանի, ՀՀ տարածքային կառավարման և արտակարգ իրավիճակների նախարար Արմեն Երիցյանի, ՀՀ զինված ուժերի գլխավոր շտաբի պետ Յուրի Խաչատուրովի և Տավուշի մարզպետ Հովիկ Աբովյանի ուղեկցությամբ այցելել է Տավուշի մարզի սահմանամերձ համայնքներ, որտեղ ծանոթացել է առկա իրավիճակին, իրականացվող ծրագրերի ընթացքին և խնդիրներին:
Հարկ է նշել նաև, որ գործադիրի ղեկավարը նշել է, որ կառավարությունը տարբեր սոցիալական և հարկային արտոնություններ սահմանելով սահմանամերձ համայնքների բնակիչների համար փորձում է հնարավորինս աջակցել նրանց և լուծում տալ նրանց սոցիալական խնդիրներին:
Առկա խնդիրներից պետք է առանձնացնել Պառվաքարի որոշ հատվածներում առկա գազիֆիկացմանը, ճանապարհատվածի վերանորոգմանը, ոռոգման ջրի, մանկապարտեզի ներքին հարդարմանը, ուսանողների ուսման վարձերին վերաբերող խնդիրները: Իրավիճակին տեղում ծանոթանալուց, և տեղի բնակչության խնդիրները լսելուց հետո, վարչապետը խոստացել է դրանք քննարկել կառավարությունում և տալ համապատասխան լուծումներ:
1
2
3
4
5
1
2
3
4
5
5
