Թուրքերը զինված մտել են Ջավախքի Կարծախ գյուղ, դաժան ծեծի ենթարկել պահակին և գողացել 32 գլուխ խոշոր եղջերավոր անասուն
HeaderԱխալքալաքի մունիցիպալիտետի Կարծախ գյուղում երեկ գիշերը հարձակվել են պահակի վրա եւ գոմից գողացել 32 գլուխ խոշոր եղջերավոր անասուն: Սահմանապահները կարողացել են անասուններին վերադարձնել մինչև Թուրքիայի սահմանը հատելը, իսկ ավազակները թաքնվել են:
Թուրքիային սահմանամերձ Կարծախ գյուղում ավազակությունը եւ կողոպուտը տեղի է ունեցել մայիսի 20-ին, մոտավորապես ժամը 1:00-ին: Պահակ Սարգիս Գասպարյանի խոսքով, նա հեռախոսով է խոսել իր որդու հետ, երբ լսել է աղմուկ եւ շան հաչոց, բացել է շարժական տնակի դուռը, որտեղ նա գիշերել է, և զգալով որ ինչ-որ բան այն չէ, վերադարձել է ու փակել դուռը: Գողերը կրակոցով սպանել են շանը, ապա կոտրել վագոնի դուռը եւ ներս մտել:
«Մտան եւ պահանջեցին իմ հեռախոսը: Ես վրացերենով ասացի, որ չեմ տա, իսկ նա թուրքերենով պատասխանեց, թե ինչպես չես տա, եւ գլխիս հարվածեց հրազենի կոթով: Ես հասցրեցի նետել հեռախոսը: Հետո ինչ-որ բան փչեց աչքերիս, մտավ երկրորդը եւ սկսեցին կապել ձեռքերս: Պարանով կապեցին, ձեռնաշղթաներն անցկացրեցին, փակեցին բերանս եւ հեռացան: Նրանք զինվորական հագուստով էին: Վստահ եմ, որ նրանք գիտեին վրացերեն, նրանք թուրքերեն խոսում էին ակցենտով: Ես մի քիչ հասկանում եմ թուրքերեն», – ասում է Սարգիս Գասպարյանը:
Սարգիս Գասպարյանը տեսել է երեք հոգու, իսկ, թե քանի հոգի են եղել ավազակները չգիտի: Պահակի տնակը գտնվում է գոմի ճակատային մասում: Հանցագործները գոմ են մտել պատուհանից ու անասուններին դուրս են բերել հակառակ կողմից:
Ավազակների հեռանալուց հետո, Սարգիս Գասպարյանը դժվարությամբ արձակել է պարանը, սակայն ձեռնաշղթան մնացել է ամրացված: Նա բացել է դուռը եւ վազել դեպի սեփականատիրոջ տուն: նրա խոսքերով, սկսել է գլխով հարվածել պատուհանին, մինչեւ որ արթնացրել է մարդկանց:
Մանրամասն՝ այստեղ
1
2
3
4
5
3
4
5
1
2
3
4
5
