Ծիծաղելի կլինի, եթե հիմա հերքեմ. Նարինե Թուխիկյանը չբացառեց մշակույթի փոխնախարար դառնալը
ՀասարակությունՔիչ առաջ «Իմ քայլը» խմբակցության պատգամավոր Նարինե Թուխիկյանը վայր դրեց մանդատը: Ազգային ժողովում լրագրողների հետ զրույցում նա մեկնաբանեց պատճառը` նշելով, որ վեց օր ժամանակ ունի մանդատը հետ վերցնելու համար: Շրջանառվող լուրերը, թե նա տեղափոխվում է գործադիր` ստանձնելու մշակույթի փոխնախարարի պաշտոնը, Թուխիկյանը ոչ հաստատեց, ոչ բացառեց. «Նման խոսակցություններ կան, ուղղակի ծիծաղելի կլինի, եթե ես հիմա հերքեմ, բայց ժամանակ ունեմ դեռ, որպեսզի մտքերս հավաքեմ, տեսնեմ, թե ինչ է լինում»,- ասաց նա:
ԼՈւՐԵՐ.com-ի հարցին` այսինքն՝ սպասում եք, որպեսզի վեց օրվա ընթացքում հստակ իմանաք՝ գնալու եք գործադիր, թե հե՞տ եք վերցնելու Ձեր մանդատը, Նարինե Թուխիկյանը պատասխանեց. «Վեց օրվա ընթացքում ես սպասում եմ՝ տեսնեմ, թե ինչ իրավիճակներ կփոխվեն նաև իմ մտքում և սրտում: Ոչ բացառում եմ գնալս, ոչ բացառում եմ մնալս»,- ասաց նա: Անդրադառնալով նրան, թե, այնուամենայնիվ, առաջարկ եղե՞լ է, և նա համաձայնե՞լ է՝ Թուխիկյանը լրագրողներին խնդրեց մի քանի օր սպասել, այդ մասին հետո կասի, քանի որ գաղտնապահ մարդ է:
Մեր հիշեցմանը` դուք օրենսդիրում արևմտահայերենի կիրառության նախագիծ էիք մշակում, շարունակելու եք այն գործադիրում և քանի որ ավելի լայն են լինելու իրագործման հնարավորությունները գործադիրում, շարունակելու եք հետամուտ լինել, Թուխիկյանը պատասխանեց. «Իհարկե, միանշանակ: Ուր էլ գնամ, որտեղ էլ, որ լինեմ՝ այդ նախագծին հետամուտ եմ լինելու: Չեմ կարծում, թե օրենսդիրում ինչ-որ խոչընդոտ կարող էր լինել, բայց այո, ճիշտ եք, գործադիրն ավելի ակտիվ գործունեություն է պահանջում: Իմացեք, որ այդ թեման միշտ իմ օրակարգում է»,- եզրափակեց Թուխիկյանը:
Սիլվի Տիգրանյան
1
2
3
4
5
1
2
3
4
5
1
2
5
