ՀՀ քաղաքացին, որին մեղադրում են նախկին հատուկջոկատայինի սպանության մեջ, մտադիր է դատի տալ լրագրողներին
ՀասարակությունՀՀ քաղաքացի Գրիգոր Օհանյանը, որին ավելի վաղ ռուսական ԶԼՄ-ները ներկայացրել էին որպես ԳՀՎ նախկին հատուկջոկատային, Սիրիայում մարտական գործողությունների մասնակից Նիկիտա Բելյանկինի սպանության գործում կասկածյալ, հերքել է իր մասնակցությունը սպանությանն ու հայտարարել, որ մտադիր է դատի տալ լրագրողներին: Այս մասին նա ասել է «Մոսկովսկի կոմսոմոլեց»-ի հետ զրույցում:
Նրա խոսքով՝ սպանության գիշերը նա տանն է եղել կնոջ եւ երեխաների հետ: Այն մասին, որ իրեն այդ գործով կասկածյալ են անվանում, իմացել է Հայաստանում բնակվող ծնողներից:
Baza Telegram-ալիքը հրապարակել է Օհանյանի հետ զրույցի ձայնագրությունը, որում նա պատմում է, որ փախուստի չի դիմել եւ Հայաստանում չի եղել երկու տարի, ինքնակամ է գնացել ՔԿ եւ հայտնել, որ այդ օրը գտնվել է բարից ոչ հեռու, որտեղ սպանել են Բելյանկինին:
«Այսօր ՔԿ-ում ինձ հայտնեցին, որ բոլորին բռնել են, ամեն ինչ նորմալ, ինձ առնչվող հարցեր չկան: Ես շոկի մեջ էի: Այդ օրը ես ընկերոջս տղայի ծնունդին էի հրավիրված: Տղան 20 տարեկան է դառնում, մեծ միջոցառում էր»,- նշել է տղամարդը:
Հունիսի 3-ին «REN TV»-ն հայտնել էր, որ սպանության կասկածյալներից մեկը Գրիգոր Օհանյանն է: Հեռուստաալիքը հայտնել էր, որ նա տեղի բարերից մեկի սեփականատերն է, եւ որ սպանությունից հետո նա լքել է Ռուսաստանը: Այս պահին հեռուստաալիքի կայքում հանված է Օհանյանի անունը:
Հիշեցնենք, որ ԳՀՎ նախկին հատուկջոկատային, Սիրիայում մարտական գործողությունների մասնակից Նիկիտա Բելյանկինին սպանել են հունիսի լույս 2-ի գիշերը մերձմոսկովյան Կրասնոգորսկի շրջանի Պուտիլկովո գյուղում:
Ձերբակալվածները 1977 եւ 1982 թվականներին ծնված անձինք են, որոնցից յուրաքանչյուրի դերը հանցագործության մեջ պարզվում է քննությամբ։
Ավելի վաղ ռուսական ԶԼՄ-ները տեղեկացրել էին, որ ԳՀՎ նախկին հատուկջոկատային Նիկիտա Բելյանկինի սպանության մեջ կասկածվողները Հայաստանի քաղաքացիներ են։
1
2
3
4
5
1
2
3
4
5
1
2
5
