Գոռգոռոցներ լսվեցին և նստեցրին գրաժդանսկի ավտոներ ու տարան. Ինչ է տեղի ունեցել «Էպիկուր» սրճարանում
ՀասարակությունԵրեւանի Պուշկինի 40 հասցեում գտնվող «Էպիկուր» գաստրո սրճարանի երկու աշխատակիցներին հունիսի 7-ի ուշ երեկոյան ոստիկանության աշխատակիցները բերման են ենթարկել առանց որեւէ հիմնավորման: Այս մասին ասաց սրճարանի մենեջեր Եվգենյա Ասատրյանը` պատմելով միջադեպի մասին:
«Սկզբում եկան 2 ոստիկան, առանց բարեւելու, իգնոր անելով խնդրեցին, որ երաժշտության ձայնը իջեցնենք, մենք իջեցրեցինք ձայնը, նույնիսկ դիջեյը հավաքեց իր բոլոր պլաստինկաները, մենք դրեցինք մեր հիմանկան երաժշտությունը ու մենք շարունակեցինք մեր գործունեությունը, որովհետեւ մենք մինչեւ 01:00-ն գործում ենք: Մի քիչ հետո երբ արդեն հաճախորդները հաշիվները փակում էին, դուրս էին գալիս, ոստիկանները վերադարձան 4 հոգով ու էլի տգեղ ձեւով մտան ներս, որն էլի հաճելի չի եւ հիմնականում տուրիստներն են մտնում եւ իհարկե դա տհաճ է հաճախորրդի համար: Հետո երբ մեր տնօրենը փորձեց հարցը լուծել արդեն դրսում, գոռգոռոցներ լսվեցին եւ նստեցրին գրաժդանսկի ավտոներ ու տարան»,-պատմեց մենեջերը` նշելով, որ դրանից հետո չգիտի, թե ինչ է եղել:
Սրճարանի մենեջերը պատմեց, որ ավելի ուշ աշխատակիցներն ազատ են արձակվել, նրանցից մեկն էլ տուգանվել է ալկոհոլ օգտագործելու, ինչն ըստ մենեջերի, աբսուրդ է:
Եվգենյա Ասատրյանը նշեց, որ ոստիկանների կողմից նմանատիպ գործողությունները միայն իրենց սրճարանում չեն եղել, մայրաքաղաքի այլ սրճարաններում էլ են եղել:
«Մենք դեմ չենք, որ կարգուկանոն պահպանվի, բայց կարելի է դա ավլեի կոռեկտ ձեով անել, կարծես միլիցա լինեն, ոչ թե ոստիկան: Չեմ կարող ասել ինչը մեզ մոտ իրենց ինչը դուր չեկավ, բայց ակնհայտ երեւում էր նրանց արհամարհական վերաբերմունքը»,-ասաց մենեջերը:
1
2
3
4
5
1
2
3
4
5
1
2
5
