Մեր երկրում ձեւավորվել է խտրականության նոր տեսակ՝ ըստ հագուստի գույնի խտրականություն. Ռուբեն Մելիքյան
ՀասարակությունՄոտ մեկ ժամ անցկացրեցի ՀՀ ոստիկանության Կենտրոնականի բաժնում՝ իրավապաշտպանական բնույթի փաստաբանական օգնություն տրամադրելով ութ քաղաքացիների։ Այս մասին Facebook-ի իր էջում գրել է «Իրավական ուղի» իրավապաշտպան հ/կ-ի նախագահ, Արցախի Հանրապետության նախկին օմբուդսմեն Ռուբեն Մելիքյանը՝ անդրադառնալով «Ադեկվադ» ՀԿ-ի 11 անդամների բերման ենթարկելուն։
Նա, մասնավորապես, նշել է. «Ինչպես ինձ պարզաբանվեց, նրանք ոստիկանությունում էին հայտնվել մի քաղաքացու ահազանգով այն մասին, որ սեւազգեստ մարդկանց ինչ-որ խումբ փողոցում զբոսնելիս ահաբեկում է մարդկանց (!)։
Վարչապետի՝ հունիսի 6-ի ելույթը, փաստորեն, ՀՀ որոշ քաղաքացիների մոտ ձեւավորել է հակաիրավական նախապաշարմունք սեւազգեստ մարդկանց վերաբերյալ, որն էլ հանգեցրել է այդ «ահազանգին»։
Խտրականության այս նոր տեսակի մասին կիրազեկվեն միջազգային բոլոր իրավասու կառույցները»։
1
2
3
4
5
1
2
3
4
5
1
2
5
