«Անցել եմ ամբողջ ավանդական ուղին»․ ինչպես են ծանոթացել Լևոնն ու Սիրուշոն
Sputnikarmenia.am-ը գրում է՝ Հայաստանի երկրորդ նախագահի որդին` Հայաստանի ուժային եռամարտի ֆեդերացիայի նախագահ Լևոն Քոչարյանը, խոստովանեց, որ իր կինը՝ երգչուհի Սիրուշոն, ազդում է իր երաժշտական ճաշակի ձևավորման վրա և ոչ միայն։ Այս մասին նա պատմեց Sputnik Արմենիայի թղթակցի հետ զրույցում։
«Ոմանք ասում են, որ ես եմ օգնում նրան, դա շատ վիրավորական է, որովհետև այդպես չէ։ Նա այնքան ինքնուրույն է բոլոր հարցերում, այդ թվում՝ ֆինանսական, գործնական և այլն։ Ես հպարտանում եմ նրա գործունեությամբ, ինձ դա շատ է դուր գալիս», — ասաց երգչուհու ամուսինը։
Լևոնը վստահաբար ասում է, որ իր կնոջ համար առաջնահերթ են ընտանիքը և երեխաները։ Նա հավաստիացնում է, որ երգչուհու հետ ընտանեկան կյանքն այնքան բարդ չէ, ինչպես պատկերացնում են շատերը։ Հաճախ ստացվում է համատեղել աշխատանքը, հանգիստը և ընտանեկան գործերը։
Լևոնն ու Սիրուշոն ծանոթացել են 2001թ-ի հունիսին ջրաշխարհում, որից հետո կրկին հանդիպել են Սևանում. «Մաֆիա» խաղալուց հետո Լևոնի մոտ զգացմունքներ են ծնվել։ Քանի որ Սիրուշոն արդեն հայտնի երգչուհի էր, Լևոնին չի հաջողվել հաճախակի հանդիպել նրան, և նա ստիպված է եղել պարզել, թե որտեղ է Սիրուշոն, որպեսզի «պատահական» հանդիպումներ կազմակերպի։
«Ես անցել եմ ամբողջ ավանդական ուղին, որով անցնում են սիրահարված հայ տղաները։ Գնացել եմ նրա դպրոց, մասնակցել հարաբերություններ պարզելուն։ Բայց ես շատ ուրախ եմ, որ մենք հիմա հասել ենք այս կետին», — անկեղծացավ Լևոնը։
Հիշեցնենք, որ Սիրուշոն ու Լևոնն ամուսնացել են 2009թ.-ի հունիսի 6-ին։ Նրանք ունեն երկու որդի։ Ավագ որդին՝ Ռոբերտը, 4 տարեկան է, կրտսերը՝ 2։
1
2
3
4
5
2
3
4
5
2
3
4
5
