Պիցցա-նախաճաշ

Շեֆ Խոհարար

Խմորի համար՝
ալյուր 250գր
տաք ջուր 160մլ
սպիտակաձավար 1ճ/գդ
ձիթայուղ 2ճ/գդ
շաքարավազ 1թ/գդ
աղ 1թ/գդ
խմորիչ 3/4թ/գդ

Լոլիկի սոուսի համար՝
լոլիկ 1 հատ մեծ
սխտոր 2 պճեղ
չորացրած կանաչի՝ ըստ ճաշակի
ձիթայուղ 1ճ/գդ
աղ 1թ/գդ
շաքարավազ 1 թ/գդ

Միջուկի համար՝
խոզապուխտ կամ հավի կրծքամիս 150գր
բրոկոլի 150գր
չերրի լոլիկ 4-8 հատ
կարմիր տաքդեղ 1 հատ
քերած պանիր 50գր
լորի ձու 6-8 հատ
սև պղպեղ
ռեհան
Պատրաստման եղանակը
Խմորը պատրաստելու համար 2ճ/գդ ջրում լուծել շաքարավազը, ավելացնել խմորիչը և թողնել այդպես 5-10 րոպե խմորիչի հասունանալու համար: Ապա ավելացնել ջրի մնացած մասը, ալյուրը, սպիտակաձավարը և խմոր հունցել:
Խմորը հունցել 8-10 րոպե մինչև նրա կպչուն դառնալը, ավելացնել ձիթայուղը, աղը և հունցել 3-5 րոպե:
Խմորը կլորացնելով վերածել գնդի, վրան մի փոքր ալյուր շաղ տալ, ապա ծածկել սրբիչով և թողնել հասունանա 45-60 րոպե սենյակային ջերմաստիճանում, ապա տեղափոխել սառնարան 6-8 ժամով:

Պատրաստել լոլիկի սոուսը: Դրա համար բլենդերում խառնել սոուսի համար նախատեսված բոլոր բաղադրիչները մինչև միատարր զանգվածի առաջացումը:
Պատրաստի խմորը բացել, վրան տարածել լոլիկի սոուսը, ապա տեղադրել միջուկի համար նախատեսված բոլոր բաղադրիչները՝ բացառությամբ ռեհանի և լորի ձվի:
Տեղադրել պիցցան պերգամենտային թղթով պատված տապակի վրա և տեղափոխել 230-240 աստիճան տաքացրած ջեռոց:

Եփել 14-17 րոպե, ապա հանել ջեռոցից, վրան կոտրել ձուն և եփել ջեռոցում 5-7 րոպե:
Պատրաստի պիցցայի վրա շարել ռեհանի տերևները և մատուցել: