Մոսկվայից Հայաստան նոր ավտոբուս է գործարկվել
ՀասարակությունՄոսկվայից Երևան կանոնավոր ուղևորափոխադրում է գործարկվել: Այն կիրականացվի «Օրեխովո» ավտոկայանից ամեն հինգշաբթի և կիրակի:
«Մեծահասակների համար ուղեվարձը կկազմի 3500 ռուբլի, մինչև 12 տարեկան երեխաների համար՝ առանձին տեղի տրամադրմամբ (ծննդյան վկայականի բնօրինակի տրամադրման դեպքում), մեծահասակների ուղեվարձի արժեքի 50 տոկոսը: Ուղեբեռի արժեքը կկազմի 350 ռուբլի»,- հաղորդում է «Մոսգորտրանսի» մամուլի ծառայությունը:
Նշվում է, որ ուղևորափոխադրումը կիրականացնի «Ֆորսաժ Ավիա» ընկերությունը՝ սկսած օգոստոսի 8-ից: Ավտոբուսը Մոսկվայից Երևան կուղևորվի 15:30-ին: Տոմսերը կարելի է ձեռք բերել «Մոսգորտրանսի» դրամարկղերում կամ առցանց:
1
2
3
4
5
1
2
3
4
5
1
2
5
