Հե´նց այսօր, հե´նց այս պահից պետք է կառուցել այն Հայաստանը, որն ուզում ենք տեսնել վաղը
Blog
Արմեն Պետրոսյանը ֆեյսբուքյան իր էջում գրում է .
ՀՀ Ազգային հերոս Մովսես Գորգիսյանի հայտնի արտահայտությունը՝ «Կեցցե՜ այն Հայաստանը, որ վաղն է գալու», ըստ իս, տևական ժամանակ է՝ կորցրել է իր արդիականությունը, համենայն դեպս՝ այն իմաստով և այն տրամաբանության մեջ, որում ասում էր Ազգային հերոսը: Գորգիսյանի և մեր մյուս հերոսների տենչած Հայրենիքն այսօրվա՝ արդեն 24-ամյա երիտասարդ Հայաստանն է, գուցե այլ բովանդակությամբ, գուցե այլ վիճակով, բայց հաստա´տ, հենց ա՜յս Հայաստանն է. այն ժամանակ, երբ արտասանվում էին իրենց խորքում անսահման, բայց և իրականանալի երազանք պարունակող այդ խոսքերը, նոր-նոր կերտվում էր այսօրվա ազատ անկախ Հայաստանը:
Իսկ հիմա, ոչ միայն արդիական է, ոչ միայն անհրաժեշտ է, այլ չափազանց կարևոր է գնահատել այսօրվա՜ Հայաստանը, այն Հայաստանը, որ մեզ է հասել Գորգիսյանի ու մեր մյուս հերոսների արյան գնով, և այս մոտեցումը պետք է ուղենշային լինի յուրաքանչյուրիս վարքում, գործելաոճում, ապագայի տեսլականում, քանի որ վաղվա Հայաստանը կերտվում է այսօր: Հե´նց այսօր, հե´նց այս պահից պետք է կառուցել այն Հայաստանը, որն ուզում ենք տեսնել վաղը, նաև այն բովանդակությամբ ու վիճակով, որի մասին հաստատ երազում էին նաև մեր Հերոսները…
Եվ ուրեմն, շնորհավո՜ր 24-րդ տարեդարձդ, Հայաստա´ն, շնորհավո՜ր ամենանվիրական տոնդ, Հա´յ ժողովուրդ, ԿԵՑՑԵ ՜ ԱՅՆ ՀԱՅԱՍՏԱՆԸ, ՈՐՆ ՈՒՆԵՆՔ ԱՅՍՕՐ:
1
2
3
4
5
1
2
3
4
5
2
3
4
