Տեղումները հեղեղել են Սոչի քաղաքը
Ուշադրության կենտրոնումՕգոստոսի 16-ի լույս 17-ի գիշերը տեղացած հորդառատ անձրեւը չի պատճառել առանձնակի դժվարություններ հանգստավայրի կենսագործունեությանը, հաղորդում է «Սոչի 24» հեռուստաալիքը:
Սոչիի քաղաքապետարանի մամուլի ծառայությունում հայտնել են, որ արտակարգ ծառայությունները չեն ստացել ջրհեղեղի մասին ահազանգեր, սակայն հատուկ խմբերը շարունակում են առանց դադարի աշխատել պոտենցիալ վտանգավոր տեղանքներում:
Նախորդ գիշերվա ընթացքում Սոչիում տեղացել են մինչեւ 70 մմ տեղումներ. հանգստավայրի տարածքում դեռեւս փոթորկի մասին նախազգուշացում է վատ եղանակային պայմանների հետ կապված: Գետերում ջրի մակարդակի կտրուկ բարձրացման հավանականությունը շարունակում է պահպանվել:
Փրկարարները խնդրում են զերծ մնալ ջրային եւ լեռնային տարածքներում հանգստանալուց եւ ձեռնարկել անվտանգության բոլոր անհրաժեշտ միջոցները:
Սոչիում փոթորկի մասին նախազգուշացումը հայտարարվել է օգոստոսի 16-19-ն ընկած ժամանակահատվածի կտրվածքով: Օդերեւութաբանները նախազգուշացրել են քամու ուժգնացման, հորդառատ անձրեւների, ամպրոպի եւ ծովում պտտահողմի ձեւավորման բարձր հավանականության մասին: Ըստ կանխատեսումների՝ տարերքը հիմնականում վտանգավոր կլինի Լազարեւսկի շրջանում:
Քաղաքի արտակարգ ծառայություններն աշխատում են վթարային ռեժիմում: Իշխանությունները կոչ են արել բնակիչներին դուրս չգալ տներից եւ պատրաստ լինել տարհանման համար:
1
2
3
4
5
2
3
4
5
1
2
3
4
5
