Զարուհու «Բաստիլը» եւ քյառթուների «Կարթագենը»
Տիգրան Խզմալյանը ֆեյսբուքյան իր էջում գրում է .
Զարուհի Փոստանջյանին սպառնալով «Բաստիլը քանդելու» նրա կոչի համար, ՀՀ ԿԳԲ-են ցուցադրում է իր խայտառակ տգիտությունն ինչպես իրավական, այնպես էլ լեզվաբանական, պատմական ու քաղաքական ոլորտներում:
Զարուհի Փոստանջյանին սպառնալով «Բաստիլը քանդելու» նրա կոչի համար, ՀՀ ԿԳԲ-են ցուցադրում է իր խայտառակ տգիտությունն ինչպես իրավական, այնպես էլ լեզվաբանական, պատմական ու քաղաքական ոլորտներում: Նախ, ՀՀ ԱԺ պատգամավոր եւ «Ժառանգություն» կուսակցության խմբակցության ղեկավար Զ.Փոստանջյանը ըստ ՀՀ Սահմանադրության վայելում է պատգամավորական անձեռնմխելիությունը եւ այդ իրավունքն իրեն ոչ թե ԿԳԲ լրատվական բաժինն է տվել, այլ ժողովրդի քվեն: Ու եթե քաղաքական գործիչը դիմում է ազգին քաղաքական կոչով, ապա նրա խոսքերի նման մեկնաբանությունը եւ սպառնալիքները ԱԱԾ/ԿԳԲ -ի կողմից խախտում են ինչպես ՀՀ Սահմանադրությամբ երաշխավորված խոսքի ազատությունն, այդպես էլ քաղաքական եւ կուսակցական գործունեության, ինչպես եւ ՀՀ ԱԺ մասին մի քանի օրենքներ: Բացի դա, եթե ՀՀ ԱԱԾ/ԿԳԲ-ում տեղյակ չեն, որ «քանդել Բաստիլը» կամ «տապալել Կարթագենը» կամ անգամ որեւե մեկի «մայրիկի հետ կենակցելու» մասին տարածված արտահայտությունները բացի դրանց ուղիղ իմաստների ունեն նաեւ փոխաբերական իմաստ, ապա ՀՀ ԿԳԲ -ում ծառայող «բազմաթիվ նվիրյալ հայորդիները», ինչպես նրանց բնութագրեց իրենց իսկ պետը, չեն համապատասխանում անգամ միջնակարգ դպրոցի շրջանավարտի մտավոր ու կրթական մակարդակի եւ բացարձակապես պիտանի չեն ՀՀ ազգային անվտանգությունն ապահովելու համար, ինչի վառ ապացույցն է հենց ՀՀ պետական եւ ազգային անվտանգության, եւ նախեւառաջ շարքային քաղաքացու խոցելիությունն ու անպաշտպանվածությունը սեփական երկրում: ՀՀ ԿԳԲ-ն, որը անհասկանալի պատճառով կոչվում է «ազգային անվտանգության ծառայություն» վաղուց արդեն մատուցում է հայ ազգին բացարձակապես վնասաբեր, հակաազգային եւ շատ վտանգավոր ծառայություններ: Ի միջի այլոց՝ ինչո՞ւ ԱԱԾ/ԿԳԲ-ն կիսվեց իր «մտահոգություններով» ու սպառնալիքներով Զարուհու հայտարարությունից հինգ օր անց:
Արդյոք, պատճառն այն չէ՞, որ այդ ողորմելի տեքստի իրական հեղինակներն ու պատվիրատուները գտնվում են ոչ թե ՀՀ ԱԱԾ-ում այլ հենց ՌԴ ԿԳԲ/ՖՍԲ-ում՝ դե մինչեւ թարգմանեցին, ուղարկեցին, կարդացին, հետ ուղարկեցին, էլի թարգմանեցին, մեջն էլ շաբաթ-կիրակի, տոն-մեռելոց... Եթե ձեր «մտահոգվելն» ու մի նամակ գրելն է հինգ օր տեւում՝ էլ ի՞նչ ազգային անվտանգություն... Ձեր նախորդ պետն ավելի արագ էր ավտո գողանում ու Մոսկվա ուղարկում, քան դուք մի նամակ...
(Լուսանկարում՝ 2014 թ. հունվարի 1-ի առավոտ, ոստիկանությունը պաշտպանում է քաղաքացիների բողոքի ցույցից ՀՀ ԿԳԲ/ԱԱԾ շենքը, որտեղ բանտարկված են Շանթ Հարությունյանը ընկերների հետ):
1
2
3
4
5
1
3
4
5
1
2
3
5
