ԱԺ նախագահն այսօր ստորագրել է իրավական առումով ամենախայտառակ կարգադրությունը․ Արսեն Բաբայան
Ուշադրության կենտրոնում
ՀՀ ԱԺ նախագահն այսօր ստորագրել է և հրապարակել է Հայաստանի երրորդ Հանրապետության պատմության ամենաաննախադեպ, իրավական առումով ամենախայտառակ կարգադրությունը: Այս մասին ֆեյսբույքան իր էջում գրել է ԱԺ աշխատակազմի ղեկավարի նախկին տեղակալ Արսեն Բաբայանը՝ արձագանքելով ԱԺ նախագահի կարգադրությանը, որով անվավեր են ճանաչվում ԱԺ աշխատակազմի մի շարք աշխատակիցներին աշխատանքից ազատելու մասին 2019 թ․ հուլիսի կարգադրությունները:
«Այսպիսի բան նույնիսկ հնարավոր չէր պատկերացնել:
Այդ կարգադրությունից առաջ ԱԺ նախագահն առնվազն պարտավոր էր ստորագրել ԱԺ աշխատակազմի ղեկավարին և նրա բոլոր տեղակալներին պաշտոնից ազատելու կարգադրություն:
Իսկ եթե ԱԺ նախագահն այդպես էլ չստորագրի ԱԺ աշխատակազմի ղեկավարին ու նրա բոլոր տեղակալներին պաշտոններից «վռնդելու» կարգադրություններ, ապա վերջիններս, եթե ունեն մի քիչ պետական մտածողություն և մասնագիտական արժանապատվություն, վայրկյան առաջ պետք է հեռանան ու հավերժ պետք է մոռանան հանրային ծառայության մասին:
ԱԺ նախագահի այդ որոշմամբ ամբողջությամբ հաստատվեց օրեր շարունակ իմ պնդումները, որ տեղի է ունեցել խայտառակ անօրինականություններ:
Իսկ այդ կարգադրության անկառավարելի հետևանքներին կանդրադառնամ ավելի ուշ»,- գրել է Արսեն Բաբայանը:
1
2
3
4
5
1
4
5
1
3
4
5
