7 արյունոտ դելիկատեսներ աշխարհի տարբեր անկյուններից

①  Կաբիդելա (Պորտուգալիա)։ Ճագար կամ ընտանի թռչուններ՝ պատրաստած սեփական արյան մեջ, որին ավելացվում է ջուր և քացախ։ Ուտեստի բաղադրամասերից է նաև բրինձը, որը եփվում է կա՛մ մսի հետ, կա՛մ առանձին։

② Բլոդպլատար/Վերիոհուկաինեն (Շվեդիա/Ֆինլանդիա)։ Խրթխրթան այս ուտեստը բաղկացած է խոզի արյունից, կաթից, ալյուրից, սոխից ու համեմունքներից և պատրաստվում է նրբաբլիթների թավայի մեջ։

③ Չերնինա (Լեհաստան)։ Քաղցր ու թթու համ ունեցող այս ապուրը պատրաստվում է ընտանի թռչունների ու բադի արյան մեջ։ Ապուրի յուրահատուկ քաղցրաթթու համը շաքարի ու քացախի հարաբերակցության արդյունքում է ստացվում։ Չերնինան սովորաբար մատուցվում է մակարոնով, լապշայով, եփած կարտոֆիլով կամ խմորագնդերով։

④Արյան նրբերշիկներ։ Սա մեծ ժողովրդականություն վայելող ուտեստ է ամբողջ աշխարհում։ Կախված երկրից՝ նրբերշիկների պատրաստման համար օգտագործվում է խոզի, տավարի, ոչխարի, բադի և այծի արյուն։

⑤ Տիեթ քանհ (Վիետնամ)։ Սա ազգային ուտեստ է, որը պատրաստվում է բադի մսով, ներքին օրգաններով ու բադի հում արյունով։ Պատրաստված միսը համեմվում է չորացրած բույսերով ու մանրացրած գետնանուշով։ Հում արյունը խառնում են ձկան սոուսի ու արգանակի հետ։ Արյան խառնուրդը մսի վրա լցնելուց հետո՝ նախքան ուտեստը մատուցելը, այն որոշ ժամանակով դրվում է սառնարան։

⑥ Միկիչոկկա (Ֆինլանդիա)։ Ազգային այս ապուրը բաղկացած է արյան, մսի, սոխի, կարտոֆիլի ու ներքին օրգանների գնդերից։

⑦ Դինուգուան (Ֆիլիպիններ)։ Խոզի շոգեխաշած մսով ու արյունով պատրաստված այս ուտեստին իր յուրահատուկ համը փոխանցում է քացախի, չիլի պղպեղի, սխտորի, կանաչ երկար պղպեղի ու լավ եփած արյան միաձուլումը։ Մատուցվում է սպիտակ բրնձի հետ։ 

Աղբյուրը՝ BlogNews.am