Շաքիրան ելույթ ունեցավ ՄԱԿ-ի գագաթաժողովին և կատարեց Imagine երգը (տեսանյութ)
BlogՌուբեն Շուխյանը ֆեյսբուքյան իր էջում գրում է .
Երեկ ՄԱԿ-ի գագաթաժողովին՝ Նյու Յորքի կենտրոնակայանում հանրահայտ երգչուհի Շակիրան, որը UNICEF-ի բարի կամքի դեսպան է, կատարել է Ջոն Լենոնի Imagine երգը: Դեռևս մեկ տարի առաջ UNICEF-ը ձեռնարկել էր համաշխարհային Imagine նախաձեռնությունը, որի նպատակն էր բարձրացնել հանրության իրազեկվածությունը երեխաների իրավունքների վերաբերյալ: Ամեն երկիր կարող էր միանալ դրան՝ ձայնագրելով Imagine երգի իր տարբերակը և նկարահանելով այդ ձայնագրության հիման վրա տեսահոլովակ: Հայաստանը նույնպես միացել է UNICEF-ի այդ նախաձեռնությանը:
ՄԱԿ-ի գագաթաժողովում Imagine-ի կատարումից առաջ Շակիրան ելույթ ունեցավ ու նշեց, որ երգի կատարումը նվիրվում է Այլան և Ղալիբ մանկահասակ սիրիացի փախստական եղբայրների հիշատակին, որոնք խեղդվել էին մեկ ամիս առաջ Միջերկրական ծովում, իսկ եղբայներից մեկի լուսանկարը լողափին ընկած՝ դարձել է արդեն Սիրիայում տեղի ունեցող ողբերգության խորհրդանիշ:
«Ամեն լույս աշխարհ եկած երեխային իրավունք է վերապահված ունենալ հավասար հնարավորություններ՝ ապրել առողջ, երջանիկ ու ապահովված կյանքով: Եկել է ժամանակը, որպիսի ոչ միայն դա «պատկերացնենք» (ինչպես Լենոնի երգում է), այլ դարձնենք այն իրականություն»,- ասել է Շակիրան:
1
2
3
4
5
1
2
3
4
5
2
3
