Սահմանամերձ համայնքներին տրվող աջակցության պրոգրեսիան

Մանե Զաքարյանը ֆեյսբուքյան իր էջում գրում է .

Ադրբեջանը հայ-ադրբեջանական սահմանի երկայնքով շարունակում է իր սադրիչ գործողությունները: Սակայն ադրբեջանական կողմի ակտիվացումը ճնշվում է հայկական ուժերի կողմից հուժկու պատասխան հարվածով: Պարզ է, որ ադրբեջանցիներին լռեցնելու գործում առանձնակի կարևոր նշանակություն ունեն սահմանամերձ բնակավայրերը և ինչքան սահմանամերձ բնակավայրերը մարդաշատ և բարվոք վիճակում գտնվեն, այնքան հայ զինվորի թիկունքը ապահովված կլինի:

Այդ իսկ զպատճառով պետության անվտանգության նկատառումներից է բխում սահմանամերձ համայքներին տրվող արտոնությունները, որոնք կրում են շարունակական բնույթ: Բնական է, որ արտոնություններն իրենց տրամաբանական շարունակությունը պետք է ունենան նաև հաջորդ տարի, և գործադիրը հաստատել է «Սահմանամերձ տարածաշրջանների զարգացման 2016թ. ծրագիրը»:

2016թ-ի ծրագրով նախատեսվում է սահմանամերձ բոլոր համայնքների բնակիչների սոցիալական պայմանների բարելավման նպատակով՝ գազի, էլեկտրաէներգիայի, ոռոգման ջրի մասնակի ու հողի հարկի և անշարժ գույքի գույքահարկի ամբողջական փոխհատուցման նպատակով 2016թ. պետբյուջով հատկացնել 928մլն դրամ: Հարկ է նշել նաև, որ սահմանամերձ համայքնները օգտվում են նաև հարկային արտոնություններից:

Սահմանամերձ համայնքներին տրվող արտոնությունները, ճիշտ է, բավարար չեն, բայց մեկ քայլ առաջ են այն առումով, որ սահմանամերձ բնակավայրի բնակիչը ինչ-որ կերպ իր առօրյայում զգում է պետության աջակցությունը: