Կարևորում ենք ազատ և բաց առևտուրը, բազմակողմ միջազգային օրակարգը և կրում ենք երկրում իրավունքի գերիշխանության արժեքները․ Սինգապուրի վարչապետ
ՔաղաքականությունԵԱՏՄ Ազատ առևտրի համաձայանգիրը բացարձակ արդյունք է և մեր փոխադարձ այցերը նպաստեցին որոշում կայացնելու․ այսօր Երևանում Հայաստանի վարչապետի հետ համատեղ մամուլի ասուլիսում հայտարարեց Սինգապուրի վարչապետ Լի Սյեն Լունը:
«Այն կնվազեցնի սակագնային խոչընդոտները մեր երկրներում, շուկան հասանելի կլինի նաև ծառայությունների համար։ Այս պահի դրությամբ` երկկողմ առևտրի շրջանառության ծավալը բավական փոքր է, այն ունի պատմական պատճառներ, քանի որ մենք խորը շփումներ չենք ունեցել, բայց նաև պետք է լոգիստիկ կապերն ամրապնդենք, կողմերում կա ներուժ, որը դեռևս կայացած չէ և, հուսոով եմ, առկա համաձայնագրերի շնորհիվ այդ կապերը կշատանան և հնարավորություն կտան դա անել»,- ասաց նա։
Սյեն Լունի խոսքով՝ Հայաստանը Սինգապուրի համար համախոհ և կարևոր գործընկեր է ԵԱՏՄ-ում․ «Առաջին հայացքից մեր երկրները շատ տարբեր են, բայց ընդհանրություններ ունենք որպես փոքրիկ պետություններ, որոնք ձգտում են դարպաս ծառայել մեր տարաշրջաններում: Երկուսս էլ կարևորում ենք ազատ և բաց առևտուրը, կարևորում ենք բազմակողմ միջազգային օրակարգը և երկուսս էլ կրում ենք իրավունքի գերիշխանության արժեքները միջազգային հարթակներում» - ասաց Սինգապուրի վարչապետը:
Նա նշեց, որ ՀՀ-ն և Սինգապուրը ջերմ կապեր ունեն, որոնց արմատները 19-րդ դարից են սկիզբ առնում, Սինգապուրում կա փոքրիկ, բայց աշխույժ հայ համայնք, հայկական եկեղեցի, որը հին եկեղեցիներից է Սինգապուրում։
Լունը նաև նշեց, որ երբ անցած տարի ՀՀ վարչպետն այցելեց Սիգապուր, մի շարք համաձայնգերեր ստորագրվեցին՝ հմտությունների և զբոսաշրջության ոլորտում հուշագիր, տեխնիական և մասնագիտական ոլորտում ևս համագործակցության հուշագիր ստորգրվեց, նաև կրկնակի հարկումից ազատվելու համաձայանգիր ունեն, իսկ տարածաշրջանների մակարդակով ՀՀ-ն ԵԱՏՄ մաս է և դա կարող է մեծ հարթակ լինել համագործակցության համար։
ՀՀ վարչապետ Նիկոլ Փաշինյանը նշեց, որ հետևողական են մեծացնել Սիգապուրի հետ բարեկամական հարաբերությունները, ունեն հետաքրքիր ընդհանրություններ, թեև երկու երկրներն էլ հարուստ չեն բնական ռեսուսներով։ «ԵԱՏՄ բարձարգույն խորհրդի նիստի ժամանակ Սինգապուրի հետ ԵԱՏՄ անդամ երկրները կստորագրեն ԵԱՏՄ համապարփակ շրջանակային համաձայնագիր և ազատ առևտրի համաձայանգիր, նաև ծառայություների առևտրի և ներդումների մասին համաձայնագիր։ Ուրախ ենք, որ դա կստորագրվի ՀՀ-ի ԵԱՏՄ ղեկավարման ընթացում, որի համար ՀՀ-ն մեծ ջանքեր է գործադրել։ Այս կարևոր հենքի վրա կաշխուժանան ՏՏ նորարարությունների ոլորտներում երկու երկրների համագործակցությունը»,- ասաց նա։
Վարչապետը ևս նշեց, որ բիզնեսն սպասում է այսպիսի հնարավորությունների և այս այցերով իրենք ներդրողների ուշադրությունն են ցանկանում հրավիրել Սինգապուրում և ՀՀ-ում գործունեություն ծավալելու համար։
1
2
3
4
5
1
4
5
1
3
4
5
