Հաճելի կլիներ մի օր գլխավորել Հայաստանի հավաքականը. Յուրի Ջորկաեֆ

ուտբոլի աշխարհի և Եվրոպայի չեմպիոն Յուրի Ջորկաեֆի կարծիքով` Հայաստանն ունի երիտասարդ լավ մարզիկներ, ովքեր մեծ ապագա ունեն:

«Հայաստանի հավաքականը լավ ֆուտբոլիստներ ունի: Ֆուտբոլի ազգային ընտրանին իսկապես մեծ ապագա ունի: Հայաստանն իսկապես մարզական երկիր է: Յուրաքանչյուր մարզաձևում առաջախաղացումը օգնում է նաև երկրին: Հայերն ունեն երիտասարդ մարզիկներ և երիտասարդ ֆուտբոլիստներ, ովքեր լավ ապագա ունեն: Իսկ ինչ վերաբերվում է Հայաստանի ազգային թիմը գլխավորելուն, ապա այդ ամենն իմ ձեռքում չէ: Ես այն մարդը չեմ, ով նման որոշում է կայացնում: Հաճելի կլիներ մի օր գլխավորել Հայաստանի հավաքականը: Ինձ համար էլ հաճելի կլիներ օգնել Հայաստանին, չէ որ Հայաստանն իմ նախա նիների հայրենիքն է, և ես հայկական արյուն ունեմ: Ես միայն ուրախ կլինեմ օգնելու Հայաստանին»,-  լրագրողների հետ զրույցում նման կարծիք հայտնեց Յուրի Ջորկաեֆը:

Երևանում 2015թ. հոկտեմբերի 3-ին առաջին անգամ տեղի է ունենալու վազքի միջազգային կիսամարաթոն` «Երևան ՌԱՆԱՐՄ 2015»-ը, որը կրելու է ամենամյա բնույթ՝ նպատակ ունենալով խթանել սպորտաձևի տարածումը, քարոզել առողջ ապրելակերպ և զարգացնել սպորտային տուրիզմը Հայաստանում: Կիսամարաթոնը կանցկացվի Սպորտի և երիտասարդության հարցերի նախարարության, Երևանի քաղաքապետարանի, Հայաստանի ազգային օլիմպիական կոմիտեի և Հայաստանի աթլետիկայի ֆեդերացիայի հովանու ներքո, որին իր մասնակցությունը կբերի նաև աշխարհահռչակ հայազգի ֆուտբոլիստ Յուրի Ջորկաեֆը: