Երբևէ նկատո՞ւմ եք փոքր «թռչող պղպջակներ» աչքերի առաջ․ ահա, թե որն է դրանց առաջացման պատճառը

Երբևէ նկատո՞ւմ եք փոքր «թռչող պղպջակներ» աչքերի առաջ: Այդ փոքր օբյեկտները շարժվում են նույն ուղղությամբ, ինչ ձեր աչքերը: Սակայն տեսողությունը ստուգելիս պաթոլոգիա չի հայտնաբերվում: Դա ինչով կարելի է բացատրել՝ կներկայացնի EnterTrain-ը:

Այդ երևույթը կոչվում է միոդեզոպսիա: «Թռչող պղպջակների» առաջացման իրական պատճառը հասկանալու համար պետք է դիմել տեսողական օրգանի կառուցվածքին: Արտաքուստ գտնվում է եղջերաթաղանթը: Աչքի միջին շերտն անոթային է: Դրա բաղադրիչ է ծիածանաթաղանթը, որն աչքերին գույն է հաղորդում: Հետո ոսպնյակն է՝ լույսը բեկող հիմնական կառուցվածքը: Ցանցաթաղանթում են գտնվում լույսի ընկալման և տեղեկությունը գլխուղեղին փոխանցելու համար պատասխանատու ձողիկները և կեռիկները: Ոսպնյակի և ցանցաթաղանթի միջև գտնվում է ապակենման մարմին՝ գելանման նյութ: Նորմայում այն թափանցիկ է: Երբ ապակենման մարմնի մեջ էրիթրոցիտներ, լեյկոցիտներ, սպիտակուցային կառուցվածքներ կամ այլ բջիջներ են հասնում, արգելակում են լույսի անցումը և ցանցաթաղանթի վրա փոքր ստվեր են ստեղծում (հենց դրանք են աչքերի առաջ լողացող օբյեկտները):

Հաճախ միոդեզոպսիան բացասաբար չի ազդում մարդու առողջության վրա և տեսողությունը չի վատանում: Սակայն որոշ դեպքերում «թռչող պղպջակների» առաջացումը կարող է կապված լինել այնպիսի ծանր պաթոլոգիաների հետ, ինչպիսիք են՝ ուվեիտը, արյնահոսությունն ապակենման մարմնի մեջ և ցանցաթաղանթի շերտավորումը:

Եթե նկատում եք, որ արագորեն վատանում է տեսողությունը, և լողացող օբյեկտներ աչքերի առաջ ավելի հաճախ են հայտնվում, անհապաղ բժշկի դիմեք լիարժեք հետազոտման համար: