6 նախանշան, որոնք հուշում են, որ սրտի հետ կապված խնդիրներ ունեք

22 Դեկտեմբեր, 2019 9:19

Ամեն տարի հազարավոր մարդիկ են մահանում սիրտ–անոթային հիվանդությունների պատճառով։ Մարդկանց մեծամասնությունը հաճախ կարևորություն չի տալիս նախազգուշական նշաններին և լուրջ խնդիրների առաջ է կանգնում։ Չնայած, որ շատ պատճառներ կան, որոնք պատասխանատու են սրտի նոպայի համար, ձեր առօրա կյանքն ամենից շատն է ազդում դրա վրա։

Այսօր EnterTrain-ը կպատմի մի քանի նախանշանների մասին, որոնք կարող են վկայել, որ դուք սրտի հետ կապված խնդիրներ ունեք։

1. Ցավ, որը ազդում է կրծքի և ձեռքի վրա. Ձախ ձեռքի անսովոր ցավը սրտի նոպայի հիմնական նախանշաններից է։ Հաճախ տղամարդիկ ցավ են զգում միայն ձախ ձեռքում, իսկ կանայք կարող են երկու ձեռքերում էլ ցավ զգալ։ Եթե դուք մշտական ցավ եք զգում, որը տարածվում է ձեռքից դեպի կուրծքը, երբեք մի անտեսեք այն։ Երբեմն ուղեղը շփոթվում է, քանի որ նյարդերը կապված են մեկը մյուսի հետ։

2. Մշտական հազ. Մշտական հազը կարող է սրտի անբավարարություն կամ թոքերի խնդիրներ առաջ բերել։

3. Ոտքի թաթերի, կոճերի և ոտքերի այտուցվածություն. Եթե դուք սիրտ–անոթային հիվանդություններ ունեք, ապա ձեր մարմնի մեջ եղած ավելորդ հեղուկը ազդում է նյարդերի վրա, ինչն էլ բերում է ոտքերի և կոճերի այտուցների։ Ուռածությունն առաջ է գալիս ծանրության ուժի ազդեցության տակ։ Դա հիմնական նշանը չէ սրտի նոպայի, սակայն, ամեն դեպքում, պետք է խորհրդակցել բժշկի հետ։

4. Վատ ախորժակ և սրտխառնոց. Դա տեղի է ունենում այն պատճառով, որ ձեր լյարդը, որը պատասխանատու է մարսողության համար, շրջապատված է հեղուկով, որը ազդում է մարսողական համակարգի վրա և ընդհատում է ամբողջ գործընթացը։ Երբեմն դուք կարող եք փորացավ զգալ, եթե զգում եք այս բոլոր ախտանշանները, ապա անմիջապես դիմեք սրտաբանի։

5. Տագնապի զգացողություն. Հետազոտությունները ցույց են տվել, որ տագնապի բարձր մակարդակ ունեցող մարդիկ տառապում են սրտամկանի ինֆարկտից։ Ավելորդ սթրեսը, աշխատանքային ծանրաբեռնվածությունը, սխալ սնունդը և շատ այլ գործոններ կարող են բարձրացնել տագնապի զգացողությունը, որը ազդում է նաև սրտի վրա։ Ստրեսը կարող է բերել արյան ճնշման բարձրացման և առիթմիայի, ինչն էլ ազդում է սրտի վրա։

6. Ուշագնացություն. Կարճատև ուշագնացությունը կամ գլխապտույտը զգուշացնում են, որ ձեր սիրտը լավ չի աշխատում։ Եթե դուք հաճախ եք շնչառության հետ կապված դժվարություններ ունենում և առանց որևէ պատճառի կորցրել եք գիտակցությունը, և դա հաճախ է տեղի ունենում, ապա ժամանակն է բժշկի դիմելու։