Տարածված առասպելներ և քիչ հայտնի փաստեր կեսարյան հատման մասին, որոնց մասին պետք է իմանա ապագա մայրը

EnterTrain-ը ներկայացնում է տարածված առասպելներ և քիչ հայտնի փաստեր կեսարյան հատման մասին:

Կեսարյան հատումը կարող է երեխայի ծնունդի միակ հնարավոր ճանապարհը համարվել հետևյալ դեպքերից մեկում՝ կապված մոր և երեխայի կյանքի համար վտանգի հետ՝

• Երեխայի սրտի անոմալ ռիթմ
• Խճճված պորտալար
• Մի շարք հիվանդություններ, որոնցով տառապում է մայրը (հերպես, ՄԻԱՎ և այլ վարակներ, որոնք կարող են բնական ծննդաբերության դեպքում փոխանցվել)
• Ընկերքի հետ կապված խնդիրներ
• Արյան բարձր ճնշում կամ զարգացող դիաբետ կնոջ մոտ
• Ծննդաբերության գործունեության բացակայություն
• Պտղի սխալ դիրք կամ չափազանց մեծ քաշ

Առավել տարածված մոլորությունները՝

1. Եթե առաջին ծննդաբերությունը վիրահատությամբ եղավ, հետագայում էլ նույնը կլինի
Ամեն հղիություն անհատական է, պայմանավորված է մոր առողջական վիճակով և հղիության ընթացքով: Որոշում պետք է ընդունել ամեն հղիության դեպքում անհատապես:

2. Կեսարյան հատումը պակաս վնասվածքային է մոր համար
Վիրաբուժական միջամտության դեպքում հնարավոր չէ խուսափել ցավից, պարզապես այն առաջանում է ուրիշ մասում և քիչ ուշ: Կեսարյան հատումը ենթադրում է մաշկային ծածկույթների և արգանդի պատի ամբողջականության խախտում, ինչը երկարացնում է դրանից հետո վերականգնման տևողությունը: Վերքին պետք է լավ խնամք, որը դժվար է ապահովել երեխայի կյանքի առաջին օրերին, բացի դրանից՝ կարերը քանդվելու և ուժեղ արնահոսության ռիսկ կա:

3. Քանակը կապ չունի
Իրականում որքան շատ լինեն կեսարյան հատումները, այնքան վնասը մեծ կլինի: Յուրաքանչյուր կեսարյան հատում մեծացնում է հետագա հղիությունների ժամանակ պաթոլոգիաների առաջացման հավանականությունը:

4. Ծննդաբերության լավ ելքը կախված է միայն պրոֆեսիոնալներից
Բուժող բժիշկը չի կարող ազդել որոշում ընդունելու վրա, եթե վիրահատությունը միակ հնարավոր տարբերակը չէ:

5. Գլուխը դեպի վեր դիրքը վիրահատության համար ցուցում է
Այդ դեպքում բնական ծննդաբերությունը բարդանում է, սակայն դա կեսարյան հատման համար բացարձակ ցուցում չէ: Կան մի շարք արդյունավետ մեթոդներ, որոնք երեխային օգնում են ավելի հարմար դիրք զբաղեցնել, նույնիսկ եթե դա չլինի, նա կարող է լույս աշխարհ գալ նորմալ ճանապարհով՝ հակառակ ուղղությամբ:

6. Պտուղը չափազանց մեծ է
Երեխայի չափը և քաշը պարզող մասնագիտացված հետազոտությունները բացարձակապես ճշգրիտ չեն: Վիրահատության մասին որոշում ընդունելը ոչ ճշգրիտ տվյալների հիման վրա ոչ միշտ է արդարացված:

7. Կեսարյան հատումը միակ ելքն է բազմապտուղ հղիության դեպքում
Այս պնդումը մասամբ է ճիշտ:

Կեսարյան հատման հետևանքներ, որոնց մասին քչերը գիտեն

1. Ցնցումներ և թմրություն վերջույթներում
Այդ շրջանում խորհորդ է տրվում, որ մոր հետ մշտապես մեկը լինի, հատկապես երբ նա գրկում է երեխային: Եվս մեկ կողմնակի ազդեցությունն այդ դեպքում մարմնի թմրությունն է, որն անցնում է ծննդաբերությունից մի քանի ժամ անց:

2. Ընկճախտ
Համարվում է, որ կեսարյան հատում տարած կանանց դեպքում ավելի մեծ է հուզական անկայունությունը: Այն հաղթահարել կօգնի միայն մտերիմների աջակցությունը:

3. Անբավարար կապ երեխայի հետ
Բնական ծննդաբերության ժամանակ մոր և երեխայի օրգանիզմները հորմոնալ փոխանակում են անում, որն ազդում է նրանց միջև առանձնահատուկ կապի վրա:

4. Մարսողական խնդիրներ
Սրտխառնոցն այդպիսի վիրահատության ենթարկված կանանց ամենահաճախ ուղեկիցն է: Որոշ կանայք տառապում են նաև ժամանակավոր անմիզապահությունից:

5. Վերքի վարակման մեծ ռիսկ
Կեսարյան հատման դեպքում այս ռիսկն ավելի մեծ է:

6. Մյուս օրգանների վնասում
Կա արգանդի հյուսվածքների կտրվածքի ժամանակ հարևան օրգանների վնասվելու ռիսկ: